Causa de Juan Gómez, veciño do lugar da Casanova en San Salvador de Vilar de Donas, labrego, irmán de José Gómez, xuíz dese couto, con Antonio Bargados, xuíz de Ferreira de Pallares, sobre lesións en agresión derivadas de querer establecer este último a bagaxe de carnes en Guntín para manter o cordón de postos militares preciso para a guerra con Portugal
Data de creación
1801-06-12. San Salvador de Vilar de Donas / 1801-08-01. A Coruña
A Sala do Crime creouse no ano 1760. Constaba de tres alcaldes maiores, un fiscal, un axente fiscal, dous relatores, dous escribáns de Cámara e un avogado de pobres. Presidíaa o alcalde maior máis antigo desa xurisdición, que recibía o nome de gobernador da Sala.
Segundo Pedro López, as súas funcións pódense agrupar nos seguintes grupos: impartición de xustiza, control de cárceres e presos, orde e moral públicas e información.
Os alcaldes do Crime tiñan ademais ao seu cargo os asuntos civís e penais que xurdían en primeira instancia no ámbito do Xulgado de Provincia. Este exercía a xurisdición sobre cinco legoas arredor da cidade " y todo lo más hasta ocho, por no tener la ciudad de La Coruña por su parte marítima tierra hacia donde extenderse", segundo se di na Real Cédula de 21 de decembro de 1761 que recolle Laura Fernández Vega.
Historia arquivística
Ata o ano 1775, cando se crea o que constituíu o núcleo fundador do Arquivo do Reino de Galicia, o fondo documental da Real Audiencia custodiouse en diferentes lugares. Así, sobre cada escribanía de asento recaía a responsabilidade inicial da custodia das series documentais produto das súas actividades, mentres que por diversos testemuños sabemos que xa en datas temperás existía un local, que funcionaría como arquivo central do organismo, no convento de Santo Domingo da Coruña, onde sufriría os efectos da ocupación e queima do edificio por parte do exército inglés durante o sitio de 1589. Noutros momentos, o fondo documental —ou fraccións del— gardouse en diferentes institucións coruñesas, como o Convento de San Francisco, o Hospital do Bo Suceso e mesmo nas propias casas dos escribáns. Nuns e noutros locais, as condicións de conservación non eran sempre as máis axeitadas, tal e como evidencian certos testemuños que se refiren a algún deles como "bódega húmeda y mal acondicionada”.
Alcance e contido
Inclúe:
- Representación de ferido que pide coidados e certificado de cirurxán
- Auto que acepta a representación e manda que sexa atendido por cirurxán
- Notificación, declaración e certificado do cirurxán
- Escritura de poder do demandante
- Querela criminal contra xuíz
- Petición de libramento de real provisión
- Escritura de poder do demandado
- Contraquerela
- Real Provisión
- Requirimentos
- Petición de fianza a Juan Gómez
- Sumaria criminal de Juan Gómez contra Antonio Bargados (inclúe testemuños, certificación de cirurxán, e dilixencia de tasación)
- Solicitude do demandado de vista de sumaria
Condicións de acceso
Condicións de acceso
Descrición condicións de acceso:
Acceso libre. Consulta limitada para aqueles documentos que se achen en mal estado de conservación
Condicións de reprodución
Condicións de reprodución:
A reprodución da documentación deste fondo está suxeita ás seguintes disposicións: o Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia; a Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lingua:
Spanish; Castilian
Características físicas
Estado de conservación:
Bo
Documentación relacionada
Existencia e localización de copias
Existencia de copias: No existen copias
Unidades de descrición relacionadas
Unidades de descrición relacionadas: A serie de causas criminais do Xulgado de Provincia corresponde aos procesos en primeira instancia que se elevaban á Sala do Crime