A encomenda de Pazos de Arenteiro pertenceu á Orde do Santo Sepulcro, sendo a única encomenda desta orde en Galicia, ata que en 1542 se incorporou á Orde de San Xoán de Xerusalén. A casa central da encomenda situábase en Pazos de Arenteiro, no concello de Boborás, no Camiño Portugués. Actuou nos concellos de Boborás e O Irixo pero tamén na provincia de Pontevedra, en Cambados e no couto de Nogueira. Os seus límites territoriais abranguían desde San Cosmede de Cusanca (O Irixo) ata Vilanova de Arousa, polo norte; a comarca do Morrazo e o concello de Leiro, polo sur; e o río Avia, polo leste. A finais do século XVIII estivo fusionada coa de encomenda de Santa María de Beade e no ano 1846 desapareceu.
Historia arquivística
Este fondo ingresou no arquivo procedente da Delegación de Facenda en 1943. Forma parte dos documentos fundacionais do Arquivo Histórico Provincial de Ourense e procede das institucións relixiosas desamortizadas no século XIX. Trala Desamortización os arquivos das institucións relixiosas ingresaron no Arquivo Histórico Nacional pero unha boa parte dos fondos monásticos ourensáns permaneceu nas dependencias provinciais de Facenda e pasou a constituír a documentación fundacional do arquivo.
Condicións de acceso
Características físicas
Material no que se rexistra a información:
Papel
Xunta de Galicia. Información mantenida y publicada en internet por la Xunta de Galicia