Antonio Tenreiro Rodríguez naceu na Coruña o 5 de xaneiro de 1893. Estudou arquitectura na escola de Madrid e obtén o título en 1919. A continuación estableceu na Coruña un estudio de arquitectura con Peregrín Estellés, participando ambolos dous na renovación arquitectónica da cidade durante as décadas dos anos vinte e trinta, ao incorporar as novas linguaxes arquitectónicas do eclécticismo e do racionalismo. Destes primeiros anos hai que destacar os proxectos do Banco Pastor e da Casa Barrié, así como os proxectos non realizados da rúa cuberta de Durán Loriga e a cidade satélite da Cooperativa “Concepción Arenal”. No 1930 foi nomeado arquitecto municipal da Coruña e colaborou con Santiago Rey Pedreira no diseño e construción do Mercado de san Agustín. Así mesmo foi arquitecto do Ministerio de Educación Nacional, para o que proxecta o Instituto masculino, a Escola de Comercio, a Escola de Maxisterio e a Escola de Náutica. As suas obras non se circunscriben á cidade da Coruña senon que se extenderon a outras capitais e cidades galegas. Faleceu no ano 1972.
Antonio Tenreiro Brochón naceu na Coruña no 1923. É fillo de Antonio Tenreiro Rodríguez e ao igual que o seu pai estudou na “Escuela de Arquitectura” de Madrid. Despois de obter o título de arquitecto estableceu o seu estudio na Coruña, onde compaxina dende un principio a arquitectura e a pintura,actividade esta na que alcanzou recoñecemento internacional. Dentro das suas obras como arquitecto destacan a fábrica de Coca-Cola, o Instituto Laboral de Betanzos así como gran cantidade de vivendas unifamiliares nos arredores da Coruña e a decoración dos locais comerciais da cervexaría “Estrella Galicia”. É membro da “Real Academia de Bellas Artes Nuestra Señora del Rosario”
Historia arquivística
O fondo formouse nos estudios “Tenreiro y Estellés, Arquitectos” e “Antonio Tenreiro Brochón, Arquitecto” como resultado da sua actividade profesional como arquitectos, onde estivo depositado así como nos seus domicilios particulares
Alcance e contido
O fondo compónse principalmente dos anteproxectos cos planos das obras proxectadas por Antonio Tenreiro Rodríguez, en colaboración con Peregrín Estellés, entre 1920 e 1972 e por Antonio Tenreiro Brochón entre 1951 e 1985. Estes anteproxectos e planos abranguen cronolóxicamente gran parte do século XX, co que nos permiten contemplar a evolución arquitectónica e urbanística da Coruña dende finais do primeiro terzo do seculo XX, momento que coincide co inicio do despegue urbanístico da cidade. Así, a evolución das obras desta familia de arquitectos é paralela á formación da propia cidade, converténdose polo tanto nunha fonte moi interesante para os seu estudo, tanto no seu conxunto como na singularidade de certos edificios fundamentais na histora da Coruña: Banco Pastor, casa Barrié, Cidade Escolar...
Condicións de acceso
Condicións de acceso
Descrición condicións de acceso:
A maior parte dos documentos son de libre acceso. Só se restrinxe o acceso naqueles documentos que están afectados polos supostos legais establecidos no artigo 105-b da Constitución (averiguación dos delitos, intimidade das persoas e seguridade do Estado). Por iso, nalgunhas series esta limitación se establece en 1965 e noutras en 1900.
Tamén, de xeito excepcional, en determinadas unidades de instalación pode restrinxirse o acceso segundo o estado de conservación dos documentos.
Condicións de reprodución
Condicións de reprodución:
Está suxeita ás taxas e prezos públicos fixados o 14 de setembro de 1995 polo Concello na sua Ordenanza nº 32, reguladora do prezo público por prestación de servizos e utilización de instalacións culturais, educativas e análogas de titularidade municipal. Por razóns de preservación está excluída a fotocopia dos planos
Lingua:
Spanish; Castilian
Características físicas
Estado de conservación:
Regular
Descrición do estado de conservación:
A documentación é moi heteroxénea en canto a tamaños e soportes. Os anteproxectos son de tamaño folio e os planos que conteñen están pregados e reducidos a ese tamaño se son mais grandes. O tamaño dos planos varía entre o DIN A-4 e os planos de máis de 100 cm. En canto ao soporte sempre é papel, pero de diferentes calidades e naturezas: celulósico, acetato, ferroprusiato, etc..
A existencia de tamaños tan grandes, así como a natureza dos soportes e as condicións de instalación anteriores á sua doazón ao Arquivo teñen provocado que parte da documentación esté en mal estado de conservación, con dobras, manchas e roturas que necesitarán de procesos restauradores
Documentación relacionada
Existencia e localización de orixinais
Localización de orixinais: Os orixinais están nas series de obras dos arquivos municipais dos concellos nos que están edificadas tras obras. Ademais, os proxectos redactados por Antonio Tenreiro Rodríguez como arquitecto escolar están no arquivo do Ministerio de educación
Existencia e localización de copias
Existencia de copias: No existen copias
Unidades de descrición relacionadas
Unidades de descrición relacionadas: Expedientes de obras dos respectivos arquivos municipais.
Expedientes de creación, arrendamento e obras en escolas do AMC
Notas
Nota xeral
A instalación da documentación estivo condicionada polo tamaño dos documentos e as condicións iniciais de instalación.Así:
-Os anteproxectos de tamaño folio mantivéronse nas suas carpetiñas orixinais ou novas (se é que estas estaban deterioradas) e instaláronse en caixas de arquivo.
-Os planos que estaban en carpetas 42x60, 50x70 e 55x88 mantivéronse nelas.
-Os planos que estaban enrolados instaláronse en tubos especiais de 70,90 e 120 cm debido ao seu gran tamaño e á torsión que presentaban por ter estado moito tempo enrolados
Xunta de Galicia. Información mantenida y publicada en internet por la Xunta de Galicia