Parroquia situada no val do seu nome, vertentes orientais da serra da Capelada: monte da Herbeira, coto Ameneiro, penido Bimbao e penidos da Miranda; e na parte septentrional da ría de Ortigueira, onde chegan as terras do lugar de Cabalar.
Pertence ao Concello de Ortigueira ata xaneiro de 1988, momento no que Cariño, A Pedra, Sismundi, Landoi e Feás segregáronse del para formar o Concello de Cariño.
Historia arquivística
Desde mediados do século XIX, as oficinas municipais do Concello de Ortigueira están instaladas no convento dos dominicos, tras a exclaustración decretada en 1835. Por este motivo no arquivo histórico municipal de Ortigueira conserváronse algúns expedientes dos séculos XVII e XVIII relacionados co citado convento e coa Igrexa católica.