A familia Pardo ten a súas orixes no século XVI nas persoas de Gonzalo da Rigueira e Sancha Oanes, orixinarios de Santa María de Fisteus (Curtis). No século XVIII achámola establecida en San Xián de Soñeiro, onde ha de acumular numerosas propiedades e rendas.
Así, no século XVIII atopamos a Andrés Domingo Pardo da Rigueira como posuidor do vínculo fundado polo fidalgo de Soñeiro Juan Antonio de Luna y Sarmiento. Andrés casou con María Elena Gómez da Fraga y Patiño, que herdou de seu pai para si e para os seus descendentes o vínculo fundado por Isidro da Chancela.
O seu neto, Antonio Pardo Suárez, xa aparece residindo na cidade da Coruña, na rúa do Parrote. Será el quen entronque coa familia Gil Taboada polos seus matrimonios, primeiro con Ana Gil Taboada y Conchado en 1847, e en 1855 coa súa irmá Juana Gil Taboada y Conchado.
A familia Gil Taboada provén de San Miguel de Bendoiro (Lalín) nas persoas de Cristóbal Gil Lameiro e Mencía López. Logo pasan a Santiago, onde Cristóbal Gil Taboada xa reside en 1641 e exerce de familiar do Santo Oficio. O seu fillo Jacobo estuda na Universidade e despois de se doutorar en leis trasládase á Coruña para exercer de avogado na Real Audiencia de Galicia. Inaugura unha dinastía de funcionarios civís e militares ao servizo do rei, como Juan Gil Taboada Varela Figueroa (1706-1774), ministro do Arsenal da Graña, entre outros.
Hai que subliñar a endogamia desta familia: os descendentes de Jacobo Gil Taboada, Juana Gil Taboada de la Torre e Andrés Gil Taboada del Río, tío e sobriña, casaron e deron lugar á rama Gil Taboada Gil Taboada. Serán as netas deste matrimonio, Ana e Juana Gil Taboada y Conchado, as que entronquen coa familia Pardo na persoa de Antonio Pardo Suárez .
Cómpre subliñar tamén a relación desta familia coa familia De la Iglesia, concretada na persoa de Eugenio Alfredo de la Iglesia Santos, casado con María de los Milagros Pardo Gil, catedrático de Literatura en Pontevedra e fillo de Francisco de la Iglesia González, autor do primeiro drama do Rexurdimento: A fonte do xuramento (1882). E xunto con el, o seu irmán Antonio, fundador da Escola Normal da Coruña e da revista Galicia: revista universal de este reino, entre outras actividades de fomento da cultura galega.
Historia arquivística
O fondo chegou ao Arquivo do Reino de Galicia en dúas entregas: a primeira, composta por catro caixas, foi realizada por dona María Teresa Pardo Rivas, quen a ofreceu en doazón á Xunta de Galicia en novembro do ano 2006; a segunda fíxose realidade en marzo de 2007 coa doazón á Xunta de Galicia por parte de dona Rosa Saurín de la Iglesia, curmá de dona Teresa, da parte da documentación que ela custodiaba. A doazón de dona María Teresa Pardo Rivas foi aceptada polo Decreto 136/2007, do 21 de xuño, da Consellería de Economía e Facenda (DOG 138 do 17/07/2007). A doazón de Rosa Saurín de la Iglesia foi aceptada pola Comunidade Autónoma de Galicia no Decreto 110/2008, do 22 de maio (DOG núm. 107, do 4 de xuño de 2008).
Alcance e contido
A pesar de que o fondo abrangue os anos 1534-1944, a meirande parte da documentación pertence aos séculos XVII-XIX. Foi producida e acumulada de maneira orgánica polos diferentes membros da familia como resultado da súa actividade. Pódese dicir que destacan tres bloques: a documentación xenealóxica, títulos e vínculos, que se reflicte nas series Executorias de fidalguía, Informacións de nobreza e Relacións de méritos e servizos; a documentación patrimonial da familia, que se reflicte nas Escrituras de compravenda, Expedientes de propiedades, Escrituras de foro ou Expedientes de administración de bens; e a documentación pertencente aos distintos membros da familia, onde se atopan series como Certificados, Expedientes persoais ou Nomeamentos.
Condicións de acceso
Condicións de acceso
Descrición condicións de acceso:
Acceso libre en xeral.
Normativa:
Ao seren depositados no ARG, os documentos que integran o fondo adquiren a condición de bens de interese cultural, tal e como estipulan, respectivamente, os artigos 50 da Lei 8/1995, do 30 de outubro, do patrimonio cultural de Galicia, e o 60 da Lei 16/1985, do 25 de xuño, do patrimonio histórico español, e pasan a gozar por tanto do réxime de protección e acceso que as devanditas normas establecen para estas categorías de bens culturais.
Condicións de reprodución
Condicións de reprodución:
A reprodución da documentación deste fondo está suxeita ás seguintes disposicións:
- Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.
- Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lingua:
Spanish; Castilian
Características físicas
Estado de conservación:
Bo
Documentación relacionada
Existencia e localización de copias
Existencia de copias: Non existen copias
Unidades de descrición relacionadas
Unidades de descrición relacionadas: Os seguintes preitos do fondo da Real Audiencia de Galicia foron tramitados por instancia de diferentes membros da familia:- Catalina del Pozo, mujer de Antonio Sánchez Boado, como madre, tutora y curadora de José Francisco, con Pedro Gil Taboada. Misión en posesión del vínculo fundado en 1594 por Juana Sánchez y Gregorio Sánchez Boado en Carujos, Sancos, Oleiros y otros. Ano 1707. Sig. 6770/9.- Isabel Ambroa, viuda de Roque Lamela, con Andrés Gil Taboada, su mujer y Vicente Varela López. Misión en posesión y partija de bienes fincables de José Benito de Ambroa y Ana Varela Figueroa Gil Taboada. Ano 1789. Sig. 24.623/22.- Francisca Gil Maldonado, viuda de Gaspar Maria Maldonado Pita da Veiga, con Gonzalo Gil Taboada, curador ad litem de Josefa y María del Carmen Maldonado, sobre posesión de los bienes del vínculo de los Pita da Veiga y Maldonado. Ano 1827. Sig. 23.813/3.- Ignacio Fernández Figueroa, presbítero, con Francisco Gil Taboada y otros. Misión en posesión de los bienes que vinculó Ignacio Fernández Patiño. S. XVIII. Sig. 19.482/2- José Pardo da Rigueira con Agustina Sánchez y José Tabarés, su apoderado. Sobre partija de bienes de la fincabilidad de Antonio Suárez y lo más que se expresa. Ano 1821. Sig. 13.909/27- Gonzalo da Rigueira con Miguel Gómez e outros. Misión en posesión de los bienes del bachiller Lope de Freijomil. Ano 1584. Sig. 674/8- Gonzalo da Rigueira con Gregorio González de Camiño. Posesión de bienes en Porzomillos. Ano 1587. Sig. 11.405/41- Juan da Rigueira con Pedro de Naveira y otros. Sobre misión en posesión de bienes de Domingo Riguiera e Inés Martínez en Santa Cristina de Montoto. Ano 1672. Sig. 20.688/28- Juan da Rigueira con José da Rigueira y consortes sobre tenuta y administración de bienes fincables de Mariana del Hoyo. Ano 1793. Sig. 10.475/29- Juan da Rigueira con Alonso da Torre, Antonio López de Taibo y otros. Misión en posesión de los bienes de Domingo da Rigueira y Catalina López. Ano 1706. Sig. 13915/46.- Juan da Rigueira Freijomil con María Oanes de Loureiros. Sobre cuenta de tutela de los bienes de Vasco Pardo. Ano 1625. Sig. 9512/61.- Andrés y Vicente Pardo con Antonio Méndez. Posesión del vínculo fundado por Elvira González de Candame a favor de Antonia González, hija de Antonio Pardo. Século XVIII. Sig. 2032/82.- Alonso Gómez Patiño con Fernando Gómez Patiño, su padre. Cuenta de herencia en la jurisdicción de Miraflores. Ano 1585. Sig. 3278/68- Alonso Gómez Patiño, tutor de Mayor de Elviña y otros, con el licenciado González y otros. Posesión del lugar das Pardelas y otros bienes en Miraflores. Ano 1573. Sig. 25.970/34- Alonso Gómez Patiño con Pedro González de Cabreira. Discernimiento de la tutela de los hijos de Sebastian Patiño en Camore. Ano 1583. Sig. 26.594/28.- Alonso Gómez Patiño con Fernán Patiño, su hijo. Partija de bienes en Miraflores. Ano 1595. Sig. 3264/53. O Fondo “Irmáns de la Iglesia” custodiado no arquivo da Real Academia Galega.
Notas
Nota xeral
Non se considerou necesario indicar no cadro de clasificación os arquivos individuais de individuos concretos por non teren suficiente entidade nin volume documental.
Xunta de Galicia. Información mantenida y publicada en internet por la Xunta de Galicia