- Ourense: fonte do xardín do Posío

Referencia

• ES.GA.27028.AHPLU/2.3.LOT.1.32050.

Signatura:

• Depósito: material audiovisual / Loty 32050

Título

Título atribuído:

• Ourense: fonte do xardín do Posío

Data de creación

• 1920 / 1936 (aproximada)

Nivel de descrición

• Documento

Volume e soporte da unidade de descrición

• 1 Negativo(s) fotográfico(s)
• 90 x 150 mm

• Casa Charles Alberty y Compañía, Sociedad Limitada ‌

Historia institucional/Reseña biográfica

• Justin Marie Charles Alberty Jeanneret naceu en 1885 en Besançon (Francia). Traballou en Burdeos como fabricante e comerciante de papel fotográfico. En 1918 estableceuse en Madrid, onde fundou a empresa Casa Charles Alberty y Compañía, Sociedad Limitada, dedicada á distribución de produtos fotográficos, á copia e reprodución de planos e debuxos e á fotografía, e que aparece con distintos nomes comerciais: El Papel Fotográfico Industrial, Fotogen, Loty. A mediados dos anos 20, Charles Alberty e a súa esposa, Concepción López, representante e editora, crean un banco de imaxes de España, Portugal, Arxentina, Italia, Brasil e Norte de África denominado Archivo Fotográfico Universal S.A. (Afusa), destinado a axencias de prensa, publicacións e empresas de turismo que tivo importantes clientes e cuxos traballos recibiron premios en concursos nacionais e internacionais. O fotógrafo portugués António Pedro Carreta Passaporte (1901-1983) traballou para a firma Loty entre 1926 e 1936, tomando fotografías de monumentos e paisaxes, principalmente para a súa comercialización en tarxetas postais. Nesta etapa, a marca coa que se rubrica toda a obra fotográfica e o resto da actividade da empresa é Loty, que se compón da primeira sílaba do apelido de Concha López e da última do apelido de Charles Alberty. En 1936, ao iniciarse a Guerra Civil, pecha a empresa e Alberty e a súa esposa volven a Francia. Trala guerra, Passaporte vende as postais da extinta Casa Loty á editorial zaragozana Arribas e volve a Lisboa, onde se dedica á edición e venda de postais ata a o seu falecemento.

Historia arquivística

• Unhas 12000 placas de vidro de 100 x 150 mm, xunto coas súas copias positivadas dispostas en álbumes-mostrario, quedaron no piso da rúa de Silva nº 39, en Madrid, cando Alberty, López e Passaporte abandonaron España. A mediados dos anos 90, a fotógrafa zamorana Yolanda Paramio foi encargada polo propietario do piso de organizar o material fotográfico e de vendelo en lotes. A empresa ALESOL, S.A. vende, entre 1998 e 1999, á Consellería de Cultura, Comunicación Social e Turismo da Xunta de Galicia as placas correspondentes a Galicia e esta deposítaas no Arquivo Histórico Provincial de Lugo. No ano 2002, o Ministerio de Cultura merca o que aínda estaba sen vender do fondo.

Alcance e contido

• Son 124 fotografías da provincia de Lugo, con imaxes de Lugo e Monforte de Lemos; 423 da provincia da Coruña, con imaxes da Coruña, Santiago de Compostela, Ferrol, Betanzos, Pontedeume, Carballo, Padrón, Iria Flavia e Herbon; 131 da provincia de Ourense, con imaxes de Ourense e Ribadavia; e 376 de Pontevedra, con imaxes de Pontevedra, Vigo, Lourizán, Lérez, Marín, Tui, Baiona, Poio, Redondela e Mondariz. En canto á súa temática, trátase de fotografías de excelente calidade de vistas urbanas, monumentos, paisaxes e tipos populares destinadas á súa comercialización como tarxetas postais. Consérvanse os negativos e as copias positivadas na época e colocadas en álbumes. Na ficha na que se describe cada postal pode consultarse a copia dixital, tanto do seu negativo, como do seu positivo que se atopa no correspondente álbum.

Condicións de acceso

Descrición condicións de acceso:

• Normalmente a consulta das placas de vidro faise a través da súa copia dixital.

Condicións de reprodución

Condicións de reprodución:

• A partir da copia dixital.

Lingua:

• Spanish; Castilian

Características físicas

Material no que se rexistra a información:

• Vidro

Estado de conservación:

• Bo

Unidades de descrición relacionadas

• Unidades de descrición relacionadas: Outros fragmentos do fondo atópanse no Instituto do Patrimonio Cultural de España (7255 negativos), no Museo de Artes e Costumes Populares de Sevilla (2348 negativos. A parte correspondente a Andalucía e norte de África), no Instituto Leonés de Cultura (229 negativos. A parte correspondente á provincia de León), etc.