De acordo co art. 1º do Decreto-lei do 19 de xullo de 1951, polo que se reorganiza a Administración Central do Estado, o Ministerio de Información e Turismo creouse, cunha única subsecretaría, asumindo os servizos dependentes da Subsecretaría de Educación Popular e os comprendidos na Dirección Xeral de Turismo que se segregou do Ministerio da Gobernación.
Ata ese momento, todos os servizos e organismos que, en materia de prensa e propaganda, se transferiran á Vicesecretaría de Educación Popular da "FET y de las JONS" pola Lei do 20 de maio de 1941, que a creou, pasaran a depender, polo Decreto-lei do 27 de xullo de 1945, do Ministerio de Educación Nacional constituíndo a Subsecretaría de Educación Popular. As súas delegacións, despois da creación do novo ministerio, pasaron a denominarse pola Orde do 29 de agosto de 1951, Delegacións Provinciais do Ministerio de Información e Turismo, regulamentándose en 1952 mediante o Decreto do 15 de febreiro, no que se establece que o xefe ou delegado asumirá o mando de todos os servizos existentes no seu territorio en relación coas actividades de prensa, propaganda, radiodifusión, cinematografía, teatro e turismo que, como órgano da Administración, lle competen ó Ministerio.
Anos mais tarde, o Decreto 64/1968, do 18 de xaneiro, organízaas en seccións e negociados de acordo co volume das súas tarefas e o 836/1970, do 21 de marzo, que modifica o anterior, crea a figura do Secretario Provincial.
Pola súa banda, o Decreto 3319/1974, do 28 de novembro, orgánico das Delegacións Provinciais do Ministerio de Información e Turismo e das súas Oficinas de Turismo, establece no seu art. 8.2 que a Delegación Local de Vigo depende da Provincial de Pontevedra. Esta, posteriormente, mediante a Orde do 27 de febreiro de 1975, é clasificada de segunda categoría tendo o carácter de Sección da mesma, a Local de Vigo.
O Ministerio de Información e Turismo desapareceu como tal polo Real decreto 1558/1977, do 4 de xullo, polo que se reestruturan determinados órganos da Administración Central do Estado, xa que todas as súas unidades pasaron a integrarse no novo Ministerio de Cultura e Benestar agás as dependentes da Subsecretaría de Turismo que se integraron no, así mesmo, novo Ministerio de Comercio e Turismo.
Historia archivística
O Arquivo Histórico recolleu esta documentación o 14 de outubro de 1978. Anos máis tarde, en 1988, completóuse o ingreso coa recollida de 55 caixas.
Alcance e conteúdo
Destacan, entre outras, as series de rexistros de entrada e saída de correspondencia, correspondencia de entrada e saída, nóminas, actas de inspección, expedientes de sanción, expedientes de crédito hoteleiro e expedientes de apertura e peche de establecementos de hostalaría.
Condiciones de acceso
Condiciones de reproducción
Condiciones de reproducción:
Limítase a reproducción dos documentos que se atopen en mal estado de conservación ou non poidan ser obxecto de consulta segundo a normativa de acceso.
Lengua:
Spanish; Castilian
Escritura:
Mecanografiada
Características físicas
Material en el que se registra la información:
Papel
Documentación relacionada
Existencia y localización de copias
Existencia de copias: No existen copias
Notas
Nota general
2.1. Delegación Local da Vicesecretaría de Educación Popular, Delegación Local da Subsecretaría de Educación Popular, Delegación Local do Ministerio de Información e Turismo de Vigo.
4.1. Acceso libre agás as restriccións contempladas no art. 57.1 c) da Lei 16/1985, do 25 de xuño, do patrimonio histórico español.
4.4. Tamén manuscrito