O 20 de xuño de 1523 o conde de Lemos, Fernando de Andrade doa a Fernando de Freixomil o couto de Vinxeira Grande e a fortaleza de Val de Veiga. Este vínculo e señorío vai pasando de xeración en xeración, e en cada una delas os seus titulares ou membros da familia van agregando máis bens a esta masa patrimonial. O 22 de outubro de 1727 Benito Maldonado Figueroa Freixomil, señor da fortaleza de Val de Veiga, dota á súa filla, María Benita Maldonado co vínculo de Val de Veiga e Vinxeira Grande para casar con Alexo Seixas y Pedrosa, dono das casas de Pedrosa, Muñiz, Lugo, xurisdición de Santa Marta de Babío, Mende e Vecín.
O seu neto, Simón María Pedrosa Gutiérrez Hurtado de Mendoza, sucesor das casas e fortalezas de Pedrosa, Val de Veiga, xurisdicións de Vinxeira Grande, Dorneda, Brates, Santa Marta e outras; casa a principios do século XIX, con Jacoba Moscoso Taboada Llorente, señora dos cotos e xurisdicións de Turces, Montes, Barcala, e outras.
Ambos patrimonios e títulos converxen na persoa do seu fillo Santiago Pedrosa Moscoso, pai de Jesusa Pedrosa Álvarez-Maldonado, que a súa vez casa con Francisco Javier Ozores Losada, Conde de Priegue, uníndose ambos patrimonios. Deste matrimonio nacerán tres fillos, Santiago, o maior, que quedará co título condal, Xavier que herda o Pazo de Santo Tomé e Juan Nepomuceno quen ademais de herdar a parte do seu pai, recibe da súa nai a Torre de Celas con todos os seus bens.
A estes bens herdados por Juan Nepomuceno hai que sumar os deixados pola súa tía Josefa Ozores Varela e o seu marido, Javier Areán Queijas, quen suma ao patrimonio familiar os seus bens sitos nas parroquias de San Román das Encrobas, Santo André de Meirama, San Martiño de Cerceda e os da súa primeira esposa, Adelaida Suárez Vilela, situados na cidade da Coruña. A toda esta masa patrimonial debemos engadir a da súa esposa, Pilar Santaló Murga, e a xestión que fixo da herdanza do seu marido e do usufructo deixado pola tía Josefa Ozores.
Historia archivística
O fondo foi depositado no Arquivo de forma provisional por D. Xavier Fernando Ozores Pardo, propietario dos documentos do pazo de Santa María Celas, o 11 de xullo de 2018.
Alcance e conteúdo
Aínda que o fondo abrangue o período 1486-1947, a meirande parte da documentación pertence aos séculos XVI-XIX. Foi producida e acumulada, de maneira orgánica, polos diferentes membros da familia como resultado da súa actividade. Destacando a documentación patrimonial da familia, composta por "Escrituras de compravenda", "Expedientes de propiedades", "Escrituras de foro" ou "Expedientes de administración de bens"
Condiciones de acceso
Condiciones de acceso
Descripción condiciones de acceso:
Acceso libre en xeral.
Normativa:
Ao seren depositados no ARG, os documentos que integran o fondo adquiren a condición de bens de interese cultural, tal e como estipulan, respectivamente, os artigos 50 da Lei 8/1995, do 30 de outubro, do patrimonio cultural de Galicia, e o 60 da Lei 16/1985, do 25 de xuño, do patrimonio histórico español, e pasan a gozar por tanto do réxime de protección e acceso que as devanditas normas establecen para estas categorías de bens culturais.
- Sistema de organización: cadro de clasificación baseado nas propostas de GALLEGO DOMÍNGUEZ, Olga. Manual de archivos familiares. Madrid: ANABAD, 1993; e GARCÍA ASER, Rosario, LAFUENTE URIÉN, Aránzazu. Archivos nobiliarios: Cuadro de clasificación. Sección Nobleza del Archivo Histórico Nacional. Madrid: Ministerio de Educación, Cultura y Deporte, Centro de Publicaciones, 2000.
- Instrumentos de descrición: base de datos Cumberland Family Tree, para datos xenealóxicos.
Nota al área de documentación asociada
Estes son algúns dos fondos e preitos consultados, no arquivo consérvase, seguramente, máis documentación relacionada con membros da familia ou coas súas propiedades
Xunta de Galicia. Información mantenida y publicada en internet por la Xunta de Galicia