ANTONIO BERNARDO GAGO DE OCA OZA Y MENDOZA CON DOMINGO...

Enlace persistente

ANTONIO BERNARDO GAGO DE OCA OZA Y MENDOZA CON DOMINGO LANTAÑO. REIVINDICACIóN DE LOS BIENES DEL VíNCULO FUNDADO POR DOMINGO GAGO DE FIGUEROA.

O tribunal que é recoñecido oficialmente como Audiencia Real cara ao 1514 exercerá, a través das súas salas ou en pleno, as competencias de carácter gobernativo e xudicial que as normas da Coroa lle outorgan e as sucesivas ordenanzas lle recoñecen.

Ata o ano 1775, cando se crea o que constituíu o núcleo fundador do Arquivo do Reino de Galicia, o fondo documental da Real Audiencia custodiouse en diferentes lugares. Así, sobre cada escribanía de asento recaía a responsabilidade inicial da custodia das series documentais produto das súas actividades, mentres que por diversos testemuños sabemos que xa en datas temperás existía un local, que funcionaría como arquivo central do organismo, no convento de Santo Domingo da Coruña, onde sufriría os efectos da ocupación e queima do edificio por parte do exército inglés durante o sitio de 1589. Noutros momentos, o fondo documental —ou fraccións del— gardouse en diferentes institucións coruñesas, como o Convento de San Francisco, o Hospital do Bo Suceso e mesmo nas propias casas dos escribáns. Nuns e noutros locais, as condicións de conservación non eran sempre as máis axeitadas, tal e como evidencian certos testemuños que se refiren a algún deles como "bódega húmeda y mal acondicionada”.

Documentos solemnes nos que se manda a execución dunha sentenza dada con anterioridade nun litixio. Concedíanse por pedimento da parte vencedora no preito, que se insire integramente, aínda que ás veces están acompañadas do preito orixinal. Adoitan formar cadernos que os interesados utilizan como título acreditativo dos seus bens ou dereitos. O seu carácter de títulos e a súa especial solemnidade fixeron que os escribáns da Real Audiencia de Galicia os conservasen separados dos preitos e expedientes.

Acceso libre. Consulta limitada para aqueles documentos que se achen en mal estado de conservación

A reprodución da documentación deste fondo está suxeita ás seguintes disposicións: o Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia; a Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.

Unha parte do fondo áchase en mal estado debido ás pésimas condicións de instalación que durante séculos sufriron os documentos.

1. Extensión e soporte da unidade de descrición (cantidades, volume ou tama ño: trátase dunha estimación.