A orixe deste convento dos Trinitarios Descalzos remóntase ao ano 1698, cando o conde de Ribadavia, Álvaro Sarmiento de Mendoza, concede licenza para que os monxes da orde da Trindade se establezan na comarca de Valdeorras. Fundouse así, en 1727, o cenobio trinitario de San Pedro de Correxais en Vilamartín de Valdeorras. Alí os frades impartiron ensinanzas de Gramática, Filosofía e Moral e chegou a ser o centro de formación máis destacado da comarca valdeorresa. Durante a Guerra de Independencia os relixiosos cederon as instalacións do convento para hospital militar e a Xunta local de Defensa e Armamento tivo alí a súa sede. Trala Desamortización do século XIX o convento foi vendido a particulares.
Historia archivística
Este fondo ingresou no arquivo procedente da Delegación de Facenda en 1943. Forma parte dos documentos fundacionais do Arquivo Histórico Provincial de Ourense e procede das institucións relixiosas desamortizadas no século XIX. Trala Desamortización os arquivos das institucións relixiosas ingresaron no Arquivo Histórico Nacional pero unha boa parte dos fondos monásticos ourensáns permaneceu nas dependencias provinciais de Facenda e pasou a constituír a documentación fundacional do arquivo.
Condiciones de acceso
Características físicas
Material en el que se registra la información:
Papel
Xunta de Galicia. Información mantenida y publicada en internet por la Xunta de Galicia