O seu nome inicial, Santa María de Bonaval, deu paso en 1398 ao actual. Trátase do máis importante convento dominicano que houbo en Galicia. A súa fundación remóntase á década dos anos vinte do século XIII (é improbable que derivase dunha visita de San Domingos a Santiago, tal como transmitiu a tradición). En 1344 implántase nel o Estudo Xeral, que será o centro da vida intelectual dominicana en Galicia. A relación coa mitra compostelá foi moi estreita ao longo dos séculos: así, catro dominicos foron arcebispos desa sé. Gran parte dos edificios conservados son de estilo barroco e foron impulsados polo arcebispo Monroy a finais do século XVII e principios do XVIII. Coa exclaustración, o edificio pasou ao concello e posteriormente foi cedido ao Padroado do Museo do Pobo Galego.
Historia arquivística
O fondo chegou mesturado coa documentación dos mosteiros e conventos desamortizados da provincia da Coruña, que ingresou no ARG en virtude dunha orde ministerial do 10 de novembro de 1887, probablemente executada en 1888. Anteriormente, e desde o momento da exclaustración, a documentación permanecera en dependencias públicas incorrectamente custodiada. Antes de 1851 estiveran en Galicia os comisionados da Academia da Historia e recolleran moitos documentos relevantes para a historia de Galicia.
Alcance e contido
Este fondo só conta cunha sección "Documentación patrimonial"
Clase de documento:
Textual
Condicións de acceso
Condicións de acceso
Descrición condicións de acceso:
Acceso libre en xeral.
Titular dos dereitos:
Trátase de documentación pública de titularidade estatal, xestionada pola Xunta de Galicia. Ao seren depositados no ARG, os documentos que integran o fondo adquiren a condición de bens de interese cultural, consonte o artigo 50 da Lei 8/1995, do 30 de outubro, do patrimonio cultural de Galicia, e o 60 da Lei 16/1985, do 25 de xuño, do patrimonio histórico Español, e pasan a gozar do réxime de protección que as ditas normas establecen para estas categorías de bens culturais.
Condicións de reprodución
Condicións de reprodución:
Normativa de aplicación:
- Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.
- Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lingua:
Spanish; Castilian
Documentación relacionada
Existencia e localización de copias
Existencia de copias: Non existen copias
Xunta de Galicia. Información mantenida y publicada en internet por la Xunta de Galicia