Convento de Santa María do Rosario de San Sadurniño

Referencia

• ES.GA.15030.ARG/2.4.21.

Título

• Convento de Santa María do Rosario de San Sadurniño

Data de creación

• 1508 / 1835

Nivel de descrición

• Fondo

Volume e soporte da unidade de descrición

• 4 Unidade(s) de instalación

• Convento de Nosa Señora do Rosario de San Sadurniño (A Coruña, España) ‌

Historia institucional/Reseña biográfica

• A orixe deste convento está nun hospital e igrexa da Orde do Temple que en 1508 é reconstruída por Fernando de Andrade, que consegue unha bula para a converter en colexiata con cinco capeláns. O seu fillo substitúe os capeláns por freires franciscanos, que á súa vez serán substituídos por freires dominicos en 1570, invitados por Pedro de Andrade; tamén se farán cargo dunha cátedra de gramática e latinidades. Será esta orde a que habite no convento ata a súa expulsión en 1835.

Historia arquivística

• O fondo chegou mesturado coa documentación dos mosteiros e conventos desamortizados da provincia da Coruña, que ingresou no ARG en virtude dunha orde ministerial do 10 de novembro de 1887, probablemente executada en 1888. Anteriormente, e desde o momento da exclaustración, a documentación permanecera en dependencias públicas incorrectamente custodiada. Antes de 1851 estiveran en Galicia os comisionados da Academia da Historia e recolleran moitos documentos relevantes para a historia de Galicia.

Alcance e contido

• O fondo comprende series documentais basicamente relacionadas coa xestión eclesiástica da comunidade, o goberno do seu señorío e a adquisición e administración do patrimonio do mosteiro. Unha parte da documentación está composta polas series procedentes dos mosteiros e conventos que incorporou a principios do século XVI. O fondo conservado no ARG áchase moi minguado. Fundamentalmente son series documentais sobre a adquisición e administración do seu patrimonio.

Clase de documento:

• Textual

Condicións de acceso

Descrición condicións de acceso:

• Acceso libre en xeral.

Titular dos dereitos:

• Trátase de documentación pública de titularidade estatal, xestionada pola Xunta de Galicia. Ao seren depositados no ARG, os documentos que integran o fondo adquiren a condición de bens de interese cultural, consonte o artigo 50 da Lei 8/1995, do 30 de outubro, do patrimonio cultural de Galicia, e o 60 da Lei 16/1985, do 25 de xuño, do patrimonio histórico Español, e pasan a gozar do réxime de protección que as ditas normas establecen para estas categorías de bens culturais.

Condicións de reprodución

Condicións de reprodución:

• Normativa de aplicación: - Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia. - Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.

Lingua:

• Spanish; Castilian

Existencia e localización de copias

• Existencia de copias: Non existen copias