CONVENTO DE SANTA CLARA DE PONTEVEDRA CONTRA DON PEDRO MONTENEGRO Y OTROS, SOBRE REIVINDICACIÓN DE UNA CASA EN LA CALLE DE SAN FRANCISCO Y OTROS BIENES EN PONTEVEDRA.
O tribunal que é recoñecido oficialmente como Audiencia Real cara ao 1514 exercerá, a través das súas salas ou en pleno, as competencias de carácter gobernativo e xudicial que as normas da Coroa lle outorgan e as sucesivas ordenanzas lle recoñecen.
Historia archivística
Ata o ano 1775, cando se crea o que constituíu o núcleo fundador do Arquivo do Reino de Galicia, o fondo documental da Real Audiencia custodiouse en diferentes lugares. Así, sobre cada escribanía de asento recaía a responsabilidade inicial da custodia das series documentais produto das súas actividades, mentres que por diversos testemuños sabemos que xa en datas temperás existía un local, que funcionaría como arquivo central do organismo, no convento de Santo Domingo da Coruña, onde sufriría os efectos da ocupación e queima do edificio por parte do exército inglés durante o sitio de 1589. Noutros momentos, o fondo documental —ou fraccións del— gardouse en diferentes institucións coruñesas, como o Convento de San Francisco, o Hospital do Bo Suceso e mesmo nas propias casas dos escribáns. Nuns e noutros locais, as condicións de conservación non eran sempre as máis axeitadas, tal e como evidencian certos testemuños que se refiren a algún deles como "bódega húmeda y mal acondicionada”.
Alcance y contenido
Extraídos sete pergamiños:
Dona Maior [Pérez], muller de Fernán Núñez de Aldán, doa ao convento de Santa Clara de Pontevedra uns baños e casas na dita cidade, na porta de Rochaforte, na fregresía de San Bartolomeu. Data: 1327-06-18. Signatura: 463. Colección de documentos en pergamiño.
O convento de Santa Clara de Pontevedra afora a Lorenzo Eáns de Pastoris e á súa muller, Inés Sequiliña, unhas casas na rúa da Fontaíña, na parroquia de San Bartolomeu,pola súa vida e dúas voces máis, en renda de seis libras. Data: 1407-01-16. Pontevedra. Signatura: 464. Colección de documentos en pergamiño.
O convento de Santa Clara de Pontevedra afora a Domingo Eáns, "dito Sequiliño", alfaiate, e á súa muller, María Domínguez, unhas viña e unhas casas na Zapataría, ao carón do muro da vila de Pontevedra, polas súas vidas e unha voz, en renda, a viña, do terzo do viño e a metade do dezmo, e de 20 libras da moeda branca, as casas. Data: 1374-02-19. Pontevedra. Signatura: 465. Colección de documentos en pergamiño.
O convento de Santa Clara de Pontevedra afora a Pedro de Sayoane e á súa muller Inés Rodríguez unha chousa de herdade preto do río das Leitugas en renda de 8 marabedís da moeda vella polo día de San Miguel e a metade do dezmo "que labredes da novidade que Deus der", por tres voces (incluída a súa) e vintenove anos máis. Data: 1457-11-[22]. Signatura: 467. Colección de documentos en pergamiño.
María Domínguez, viúva de Domingo Sequelino, veciña [de Pontevedra] dispón no seu testamento ser soterrada no convento de San Francisco de Pontevedra, establece varias mandas piadosas para ese convento, a Igrexa de San Bartolomeu, Santa María, o convento de Santa Clara e outros, e nomea como herdeiros aos seus fillos, Gonzalo e Inés Sequelino, nas casas e viñas que ten aforados do Convento de Santa Clara de Pontevedra. Data: 1396. Pontevedra. Signatura: 475. Colección de documentos en pergamiño.
Nuño Núñez, crego de San Bartolomeu de Pontevedra, Maior Pérez, viúva de Fernán Núñez de Aldán, e o Convento de Santa Clara de Pontevedra conveñen sobre unha parede lindeira.. Data:1313-03-24. Signatura: 779. Colección de documentos en pergamiño.
Antonio de Lima afora a Pedro Cruz, fidalgo de Pontevedra, unha casa na Fontaíña, freguesía de San Bartolomé, por sesenta marabedís. Data: 1501-06-20. Signatura: 918. Colección de documentos en pergamiño.
Condiciones de acceso
Condiciones de acceso
Descripción condiciones de acceso:
Acceso libre. Consulta limitada para aqueles documentos que se achen en mal estado de conservación
Condiciones de reproducción
Condiciones de reproducción:
A reprodución da documentación deste fondo está suxeita ás seguintes disposicións: o Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia; a Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lengua:
Spanish; Castilian
Características físicas
Descripción del estado de conservación:
Unha parte do fondo áchase en mal estado debido ás pésimas condicións de instalación que durante séculos sufriron os documentos.
1. Título: a organización tradicional do fondo da Real Audiencia de Galicia, onde o último degraño de clasificación estaba constituído polas chamadas "series", agrupacións de documentos en función da categoría xurídica dos demandantes ou formadas con criterios temáticos; a non sempre nidia separación entre os procedementos gobernativos e xudiciais e, dentro destes últimos, entre os propiamente civís e os de índole criminal, e a conseguinte dificultade que hoxe entraña a identificación con criterios actuais de diferentes series documentais de carácter tipolóxico, explican a necesidade de outorgar, no estado actual dos nosos coñecementos, unha denominación tan ampla a este conxunto documental.
2. Extensión e soporte da unidade de descrición (cantidades, volume ou tamaño: trátase dunha estimación.