Familia González Carreró

Enlace persistente

Familia constituída por Homobono González Fernández e Elena Carreró Gelpí e polos seus antecesores e sucesores directos. Ambos os dous cónxuxes procedían de familias burguesas de Santiago de Compostela (Homobono) e do Cabo de Cruz, en Boiro, A Coruña, (Elena). Os primeiros dedicábanse ao comercio, pero desenvolveron tamén outras actividades, como o negocio bancario e a administración de propiedades. Os segundos eran coñecidos fabricantes de salazóns de orixe catalán, establecidos primeiro en Mugardos e Sada.

O fondo recibiuse directamente da familia. Polo seu estado e o fragmentario dos documentos que o integran, semella que non se conservou en condicións moi axeitadas.