Congregación de Nosa Señora da Concepción e Misericordia...

Ligazón persistente

Segundo a Real Provisión do 21 de xuño de 1786, a súa creación débese ós escribáns de número da vila de Pontevedra. Non se menciona data de creación. O documento máis antigo existente no Arquivo é de 1489. Tiñan como actividades principais a celebración dunha festa a súa patroa, misas e aniversarios; como asociación benéfica visitaba os presos e os enfermos os mércores de cada mes, socorría ós pobres e dáballes dotes ás mozas orfas e honradas. Gobernábase para as comisións da congregación por un Mordomo e por oito deputados . O dous cargos elixíanse anualmente por "cántaro e sorte"; un tesoureiro que daba conta anualmente dos investimentos das rendas, das esmolas e das obras; ditas contas eran aprobadas e revisadas pola Congregación; avogado, médico e capiscal. A súa sede estaba nunha capela do convento de San Francisco. Desaparece a raíz da Desamortización de Mendizabal, pasando os seus bes a ser administrados pola Xunta de Beneficencia (1838).

A meirande parte da documentación que se conserva trata de temas económicos, como son os libros de contabilidade e as escrituras de foros.

Unidades de descrición relacionadas: Existe documentación no Fondo do Concello de Pontevedra.