Xulgado Especial de Incautacións de Ourense (España). (1936 - 1939)

1. Área de identificación

1.1 Tipo de entidad:

Institución

1.2 Forma autorizada del nombre:

Xulgado Especial de Incautacións de Ourense (España). (1936 - 1939)

2. Área de descripción

2.1 Fechas de existencia:

1936 - 1939

2.2 Historia/Descripción:

Desde o inicio da Guerra Civil o bando nacional, a través do Decreto 108 da Xunta de Defensa Nacional do 13 de setembro de 1936, puxo en marcha un espolio que servirá de preámbulo ás primeiras normas sobre incautación de bens daquelas persoas, físicas e xurídicas, consideradas contrarias ao Movemento Nacional. Poucos meses despois, polo Decreto do 10 de xaneiro de 1937, fíxase xa unha estrutura institucional que será a responsable de levar a cabo estas incautacións a través da creación dunha Comisión Central de Incautacións da que dependerán as comisións creadas a nivel provincial, cada unha das cales estaba integrada polo gobernador civil, un maxistrado da Audiencia e un avogado do Estado. Directamente dependentes destas Comisións Provinciais atopábanse os Xulgados Civís Especiais, entre os cales debemos encadrar o Xulgado Especial de Incautacións de Ourense, órgano directamente responsable de levar a cabo as incautacións que se aplicarán con carácter retroactivo ata outubro de 1934 e que mesmo chegarían a ter un carácter póstumo: en caso de morte do inculpado a responsabilidade recaía sobre os seus familiares e herdeiros. O modelo de proceder era o seguinte: desde o xulgado especial solicitábase información sobre a actividade, xa fose anterior ou coetánea, directa ou indirecta, levada a cabo polo procesado contra o Movemento Nacional, así como información relativa á súa actuación político-social: se estiveran afiliados a algún partido da chamada Fronte Popular ou simplemente tiveran realizado actos de propaganda ao seu favor ou calquer tipo de achega económica a favor dos mesmos. En definitiva, castigábase con carácter retroactivo o exercicio dos dereitos e liberdades propios dun sistema democrático que non estaban prohibidos no momento no que se exerceron. A desaparición deste organismo iníciase coa Lei de Responsabilidades Políticas do 9 de febreiro de 1939 coa que o novo Estado, nun intento de organizar e sistematizar a represión contra os vencidos, creou novos corpos encargados de levar a cabo as incautacións de bens, á vez que castigaba penalmente aos seus opositores políticos.

2.3 Lugares:

España. Residencia, sede: Ourense

3. Área de relaciones

Materias:

Incautacións

Represión política

Franquismo

‎Memoria democrática de Galicia

4. Área de control

4.1 Identificador del registro:

ADGA20210003523

4.4 Estado de elaboración:

Borrador

4.5 Nivel de detalle:

Básico

6. Relaciones con recursos Web

Boletín Informativo del Sistema Archivístico de la Defensa Nº 19 JUNIO 2011