José María Moar Fandiño

Referencia

• ES.GA.15030.ARG/2.1.1.24.

Título

• José María Moar Fandiño

Fecha de creación

• 1878-02-09 / 1934-11-17

Fecha de acumulación

• 1878-02-09 / 1934-11-17

Nivel de descripción

• Fondo

Volumen y soporte de la unidad de descripción

• 3 Carpeta(s)

• Moar Fandiño, José María ‌

Historia institucional/Reseña biográfica

• José María Moar Fandiño naceu en Santiago de Copostela. Fillo de Santiago Moar Estévez e de Francisca Fandiño de la Iglesia, foi bautizado na parroquia de Santa Susana. Tivo dous irmáns, Alfredo e Ramiro, emigrados a Puerto Rico e a Argentina, respectivamente. Casou con Mª del Rosario Vázquez Arias-Carvajal, natural de Avilés (Asturias), e mestra de profesión, coa que tivo oito fillos, dos que tres faleceron na infancia ou primeira xuventude. José María Moar estudou Maxisterio (entre outros centros, foi director de Colonias Escolares no Sanatorio Marítimo de Oza) e Peritaxe Mercantil. Licenciouse en Dereito (con premio extraordinario) e en Veterinaria. Con tan ampla formación, exerceu como avogado, mestre, perito mercantil e veterinario. Foi catedrático de Historia da Escola Normal de Santiago e estivo encargado de clases prácticas de Mineraloxía, Botánica e Zooloxía na Universidade de Santiago. Escritor e xornalista, participou de forma activa na vida social e intelectual de Santiago. A súa obra, composta maioritariamente de artigos periodísticos, áchase dispersa maioritariamente en diversos xornais de Galicia: "El Alcance", "La Estrella Galaica", "Galicia Nueva", "El Eco de Santiago", revista "Compostela", "La Voz de la Verdad" (Lugo), "El Requeté" (A Coruña), "El Correo de Galicia", "El Compostelano", "Faro de Vigo", "El Magisterio de Galicia", "La Voz de Santiago", "Acción Católica" e as revistas "Gaceta de Galicia" e "La Raza". Foi tamén fundador do xornal "La Bala Rasa" e redactor da revista literaria "Los jueves del Alcance". Foi autor de varios libros de textos de carácter pedagóxico: "Pedagogía y trabajos manuales", "Antología acerca del valor docente del trabajo manual", "El Abstemismo y la Escuela", Católico practicante, foi carlista militante do Partido Tradicionalista e membro activo da "Liga Gallega" que lideraba Alfredo Brañas. Esta militancia política parece que influíu na xubilación forzosa que decretou a Presidencia da República o 2 de decembro de 1932 a proposta do Ministerio de Instrución Pública e Belas Artes (Gaceta número 341, do 6 de decembro), se ben no texto da disposición, que inclúe outros 32 nomes de mestres, só se di que: "Reorganizados los estudios del Magisterio por Decreto de 29 de Septiembre de 1931, se fusionaron las Escuelas Normales de Maestros y Maestras. Esta fusión ha permitido reducir las plantillas del Profesorado, debiendo jubilarse a 33 Profesores y Profesoras de Escuela Normal." Esta disposición tomouse en cumprimento da Lei de 27 de agosto de 1932 que prevía a xubilacións "discrecionais necesarias" para o caso de que non se acadase de forma voluntaria o número de 33 persoas "sobrantes" na reorganización.
José María Moar Fandiño

Historia archivística

• Pequena fracción do fondo persoal de José María Moar depositada pola familia no Arquivo.

Alcance y contenido

• Integran o conxunto entregado dous impresos (un folleto e un exemplar do xornal "La Bala Rasa" e unha colección de artigos publicados por Moar baixo o título xenérico de "Galicia Poética" nos xornal "El Correo de Galicia" desde 1918, ao longo de 1919 e parte de 1920.

Unidades de descripción relacionadas

• Unidades de descripción relacionadas: La bala rasa, 1909.
  La bala rasa

• Unidades de descripción relacionadas: Moar Fandiño, José María. Apuntes biográficos de Don Juan Ignacio de Armada...
  Apuntes biográficos de don Juan Ignacio de Armada...