Foro outorgado por Nuno González de Soutelo, escudeiro, e...

Ligazón persistente

Foro outorgado por Nuno González de Soutelo, escudeiro, e a súa muller Inés Pérez, veciños de Allariz, a Gómez Pérez, mercador, e á súa muller, Tareixa García, dun terreo en Lameiro, en Espiñoso, por seis marabedís

A parroquia é unha organización fundamental na historia da comunidade galega como entidade relixiosa, administrativa e fiscal. Esta división territorial da Igrexa defínese coma o territorio dunha diocese que está baixo a dirección dun párroco. Pero a súa funcionalidade vai máis alá do espiritual, especialmente no eido rural, pois o clero encargado da parroquia actuaba como mediador entre a comunidade parroquial e a administración civil e relixiosa. Os párrocos participaban nos actos máis trascendentais da vida dos individuos (bautismo, matrimonio e morte) e a partir do Concilio de Trento -desde 1563-, estes actos teñen que quedar rexistrados nos libros de actas sacramentais. Así, a parroquia como entidade relixiosa produce unhas das fontes principais para o coñecemento histórico, os libros parroquiais. Estes libros poden ser de varios tipos: sacramentais, onde se rexistran bautismos, confirmacións, matrimonios e defuncións; pastorais, que recollen as visitas pastorais, cartas dos bispos, constitucións sinodiais, etc; administrativos, nos que se anotan contas de fábrica, dezmos, inventarios de bens, dereitos parroquiais, fundacións pías, etc; e, por último, os libros litúrxicos, que recollen misais, rituais, breviarios, cantorais, etc. A parroquia de Santiago de Allariz pertence ao arciprestado de Allariz no concello do mesmo nome.