A casa petrucial, que aínda hoxe existe, está situada no lugar de Calvos, parroquia de Vilasouto (O Incio).
Esta familia procede da pousa de Guitián (San Pedro de Froián, Sarria), de aí o apelido predominante. Diego Díaz de Guitián e o seu titor, Alonso López de Somoza, preitean pola propiedade da casa de Guitián contra Martín Díaz de Guitián. Continúa o litixio Lope Díaz de Guitián, fillo de Alonso e gáñao, pero, como desde a xeración anterior xa estaban asentados en Calvos, afora Guitián e Calvos mantense como o centro de administración do patrimonio. Lope Díaz de Guitián e a súa muller, María Álvarez de Balboa, fundan o morgado en 1600. Un fillo deles, Pedro Díaz de Guitián, abade de Soutopenedo, amplía o patrimonio. Outro fillo, o mellorado Juan Saco de Guitián (ou Quiroga) e Somoza casa con Aldonza de Goyanes Novoa e Feijóo, señora de Bóveda. Desde ese momento, as dúas casas permanecen unidas pero con administracións separadas.
Historia arquivística
A documentación chegou mesturado cos restantes fondos deste grupo.
Condicións de acceso
Condicións de acceso
Descrición condicións de acceso:
Libre, agás a documentación en mal estado de conservación