Compañía Pérez Lebrón/González Villamil

Referencia

• ES.GA.15030.AM/2.3.2.

Título

• Compañía Pérez Lebrón/González Villamil

Data de creación

• 1723-01-01 / 1741-12-31. 1723/1741

Nivel de descrición

• Fondo

Volume e soporte da unidade de descrición

• 1 Unidade(s) de instalación

• Compañía Pérez Lebrón/González Villamil ‌

Historia institucional/Reseña biográfica

• Segundo consta no caderno de balance de 1727 a compañía constuíuse o 21 de xuño de 1723, integrada polos socios José Pérez lebrón e José González Villamil, e na que figura como socio maioritario o primeiro. Trátase do comercio de cousas miudas e de pouco valor- "merceros".Ambolos dous proceden de santa Marina de Vega (hoxe Puerto de Vega), aldea pertencente ao concello asturiano de Navia.Ali, en santa Marina de Vega, existe unha capela chamada de santo Domingo de Guzmán e santa Teresa de Jesús que é coñecida como Capela Lebrón, por ter sido fundada en 1755 por Domingo Pérez Lebrón y Lanza e dona Teresa Suárez Ortigueira. Estaba unida á casa (hoxe en ruinas). Este mesmo personaxe é o que no 1759 funda unha escola por testamento da sua segunda esposa, dona Magdalena Fernández Talaya en santa Marina de Vega. A sua empresa tiña clientes, ademais de na coruña e arredores, na Graña, Ferrol, Betanzos ou Monforte. Entre os seus compradores estaban: o enxeñeiro Juan Vergel, Gabriel Cardigondi, o Gobernador da praza, José de Leys e Caamaño, Juan de Soto, Juan de Aranda- Administrador da Real Aduana- Henrique Dujardin, Luis de Oviedo y Castillejo, María de Brea... José Pérez Lebrón era irmán de Francisco Antonio e de Jacinto. Ambolo dous aparecen como debedores á compañía: o primeiro estuda en Santiago e ten que pagar con intereses o préstamo para esa formación (avogado en 1731). Anos despois, Francisco Pérez Lebrón figura na veciñanza de Montero y Bolaño de 1746 (C-1053) como “mercero”, residente na “Pescadería”. No 1752 no Catastro do Marqués de la Ensenada aparecen como viciños sen oficio Jacinto Pérez Lebrón de 44 anos de idade, casado, cun fillo menor de 18 anos e 2 fillas. E don Francisco Pérez Lebrón, tamén de 44 anos, casado e cun fillo e unha filla menores de 18 anos. Os dous constan como fidalgos. José González Villamil

Historia arquivística

• Non está en moi bó estado de conservación e descoñecemos a sua procedencia. Esta documentación estaba dispersa entre as caixas que figuraban como "Varios del siglo XVIII"

Alcance e contido

• É unha fonte documental para o estudo da vida cotiá no séc. XVIII, a vestimenta, os produtos habituais de consumo (tecidos, sombreiros, pratos, medias, peites...de diferentes clases e calidades; aceite, chocolate, cacao e augardentes;...) os personaxes, a actividades comercial....É ademais testemuña do funcionamento dunha compañía comeercial nun momento importante no desenrolo da cidade

Condicións de reprodución

Condicións de reprodución:

• Está suxeita ás taxas e prezos públicos fixados o 14 de setembro de 1995 polo Concello na sua Ordenanza nº 32, reguladora do prezo público por prestación de servizos e utilización de instalacións culturais, educativas e análogas de titularidade municipal. En canto ás reproducións mediante fotocopia, ao ser planos e fotografías, están suxeitas ás normas internas do centro, é dicir, non se permite a sua reprodución mediante este procedemento.

Lingua:

• Spanish; Castilian

Características físicas

Estado de conservación:

• Malo

Existencia e localización de copias

• Existencia de copias: No existen copias