Sociedade Cultural e Recreativa Casino de Verín - Casino...

Ligazón persistente

As sociedades culturais e recreativas xorden a mediados do século XIX principalmente nas capitais provinciais como espazos de socialización e comunicación para as elites locais. Proliferan daquela sociedades constituídas con fins culturais e recreativos denominadas casinos, ateneos, liceos ou círculos culturais-recreativos. Estas entidades son clubs privados, de carácter clasista ou exclusivista, abertos só aos seus socios. Posteriormente esta forma de socialización estendeuse ás vilas, como a de Verín, onde existiron dous casinos. O denominado “Casino de Verín. Sociedad cultural y recreativa” foi fundado no ano 1900 por un grupo de persoas vencelladas ao Partido Liberal como contraposición ao xa existente casino conservador da vila. No Casino de Verín facían bailes de entroido, fin de ano, etc; e no seu local social contaban con bar, biblioteca e xogos de mesa. Como actividade cultural destacaba a organización de ciclos de conferencias e, dentro das actividades recreativas, salientaban os seus torneos de xadrez.

Esta documentación foi entrega ao Arquivo Histórico Provincial de Ourense por Manuel Taboada Cid.