A Lei hipotecaria do 8 de febreiro de 1861 suprime as contadorías de hipotecas e crea un Rexistro da Propiedade en cada cabeza de partido como institución dedicada a dar publicidade aos actos, contratos e situacións xurídicas que afectan o dominio, usufruto e outros dereitos reais sobre bens inmobles.O seu regulamento quedou establecido no Real decreto do 21 de xuño de 1861.
Pero estas disposicións sufriron unha importante modificación coa Lei do 30 de decembro de 1944, que afectou tanto as normas substantivas do réxime inmobiliario, como o estatuto orgánico dos Rexistradores, a organización territorial dos rexistros e a simplificación dos seus asentos. Por iso, foi necesario redactar un texto refundido, aprobado no Decreto do 8 de febreiro de 1946, ao que se sumaría en 1947 un novo regulamento hipotecario, aprobado no Decreto do 14 de febreiro de 1947, que permaneceu case inalterado ata finais do século XX.
Historia arquivística
Estes documentos ingresaron no ano 1958 xunto cos das contadorías de hipotecas.
Alcance e contido
É unha pequena fracción dos conxuntos que permanecen en poder de cada rexistrador.
Intégrana as seguintes series documentais:
- Índice de libros.
- Libros rexistros de hipotecas.
- Libros de ingresos e estatística.
- Libros de honorarios.
- Libros de ingresos.
- Libros inventario.
- Libros índices de fincas urbanas.
- Libros índices de fincas rústicas.
Corresponden aos concellos de:
- Arteixo.
- A Coruña.
- Cambre.
- Carral.
- Culleredo.
- Oleiros.
Documentación relacionada
Existencia e localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia