Expediente sobre o requirimento as Fábricas Coruñesas de...

Ligazón persistente

En negrita las ramas con unidades físicas

Expediente sobre o requirimento as Fábricas Coruñesas de Gas y Electricidad para que desaloxen o soto do Palco da música

Trátase dos documentos producidos e recibidos polo Concello ao longo do tempo. O punto de partida sitúase no ano 1208 cando o Rei Alfonso IX concede a vila duas leguas en contorno, o uso das augas, madeiras, leñas e pastos, así como o foro de Benavente. A partir deste momento nace xuridicamente o Concello coruñés, como vila de reguengo. A Coruña foi favorecida continuamente polos reis que concederonlle numerosos privilexios o longo da súa historia. Así, na década dos anos coarenta do século XV a vila adquire a categoría de cidade.

A ubicación da documentación municipal sufríu diversos avatares ligados á historia do Concello. Dende o almacenamento durante a Idade Media nunha das torres da igrexa de San Iago ata as súas sedes actuais, o seu devir estivo ligado á situación da casa consistorial. A comezos do século XX constrúese o Palacio Municipal na praza de María Pita, localizándose o Arquivo no baixo e no segundo andar. Nos anos sesenta realizase o estudo para instalar o Arquivo Administrativo nos sotos do edificio e albergar a documentación máis recente. Configuróuse así, fisicamente, o sistema de arquivos do Concello. Posteriormente, no 1978, trasladouse a documentación histórica ao vello edificio de Facenda, na rúa Durán Loriga, onde ocupa actualmente o terceiro andar. Actualmente, o fondo documental do Concello atópase dividido en: arquivos de xestión nas oficinas, arquivo administrativo en dous depósitos (nos sotos do propio Concello e nunha nave no Polígono da Grela), e o arquivo histórico na Casa de Cultura Salvador de Madariaga. Con anterioridade ao ano 1989 a documentación atopábase clasificada por materias (educación, sanidad, justicia, ..), e períodos históricos (Guerra de Independencia, Trienio Constitucional, ..). Ademáis o fondo documental do Concello achábase mexturado con outros fondos. A partires desa data identificaronse e clasificaronse os documentos dacordo coa sua procendencia. A organización do fondo do concello é básicamente funcional.

Abrangue un periodo cronoloxico que vai desde 1255 ata a actualidade, ainda que os documentos relativos ao periodo da Baixa Idade Media son máis escasos e presentan grandes lagoas. Como fonte documental constitúe a materia principal para calquera tipo de estudo da historia da cidade, tanto no que atinxe a aspectos políticos, sociais, culturais como económicos.

A maior parte dos documentos son de libre acceso. Só se restrinxe o acceso naqueles documentos que están afectados polos supostos legais establecidos no artigo 105-b da Constitución (averiguación dos delitos, intimidade das persoas e seguridade do Estado). Por iso nalgunhas series esta limitación se establece en 1965 e noutras en 1900.

Suxeito ás taxas e prezos públicos que para a reprodución de documentos fixe o Concello. (Ordenanza reguladora do prezo público por prestación de servizos e utilización de instalacións culturais, educativas e análogas de titularidade municipal).

A documentación maioritariamente está en soporte papel e nalgúns casos (séculos XVI e XVII) atopase en mal estado de conservación. Tamén existen documentos en pergameo e en película no caso das fotografías.