Expediente de obras do Palacio da Capitanía Xeneral de...

Ligazón persistente

En negrita las ramas con unidades físicas

Nace en San Xoán de Ouces, lugar de Bergondo, en 1867. Foi Piloto Mercante de carreira e historiador e filólogo de profesión, sobresaíndo os seus estudios sobre a Historia de Galicia. Membro fundador da Real Academia Galega, en 1907 é nomeado Arquiveiro Bibliotecario, trala renuncia de Galo Salinas, o primeiro en ocupar este posto. A partir do ano 1934, será o Cronista Oficial da Coruña, tralo pasamento do anterior cronista, Eugenio Carré Aldao. Ao longo da súa vida colaborou con numerosas institucións: foi académico correspondente da Real Academia da Historia, e da Real Sociedade Xeográfica; do Museo del Pueblo Español; e do Centro de Estudios Históricos e Instituto de Estudios Medievales de Madrid, ademais de profesor no Instituto de Estudios Portugueses de Madrid. Na Coruña desenvolveu tarefas de académico numerario da Real Academia de Belas Artes, sendo tamén bibliotecario da mesma; bibliotecario da Liga Galega (1907), e secretario da Sección de Ciencias Históricas do Instituto de Estudios Gallegos da cidade. En Portugal participou no Instituto Histórico do Miño, onde será recoñecida a súa tarefa co título de socio de mérito, e membro da Asociación de Arqueólogos Portugueses, de Lisboa. Tamén será recoñecido como socio de honra da Asociación Iniciadora e Protectora da Real Academia Galega na Habana. Morre na Coruña, no ano 1942.

Segundo o informe elaborado en 1990 para a súa adquisición pola Consellería de Cultura, antes da nova distribución, este conxunto documental constaba de trece unidades de instalación e algúns documentos soltos. Posiblemente a Colección iniciouna algún Comisionado de Amortización ou un correspondente da Academia da Historia do século XIX e, tal vez, César Vaamonde Lores con documentos de mosteiros e conventos desamortizados na Coruña, de onde proceden case todos os documentos, así como de organismos oficiais que levaron a cabo esta Desamortización. A Colección foi organizada por César Vaamonde nunha primeira pequena parte, atendendo a criterios temáticos, mentres que a parte restante seguiu o principio de procedencia na súa organización.

Inclúe: Correspondencia entre o Capitán Xeneral de Galicia, o Comandante Xeneral Subinspector de Enxeñeiros, a Dirección Xeral de Enxeñeiros e o Concello da Coruña. Dous informes: un sobre o anteproxecto de edificio de nova planta e outro sobre a adquisición do solar para o edificio, este último con plano que foi desgaxado (signatura CC 43).

Unidades de descrición relacionadas: Esta documentación complementa a custodiada no Arquivo Histórico Nacional (Seccións de Clero e Códices fundamentalmente), por ser tamén resultado da desamortización. No Arquivo do Reino de Galicia complementa a da Real Audiencia de Galicia, Intendencia de Galicia, Clero e Colección de documentos en pergamiño sobre todo.
Galiciana. Arquivo Dixital de Galicia. Arquivo da Real Academia Galega