Asociación O Penedo, Fogar Galego

Referencia

• ES.GA.15078.AG/2.2.1.

Título

• Asociación O Penedo, Fogar Galego

Data de creación

• 1983-01-01 / 2009-12-31. 1983 a 2009

Nivel de descrición

• Fondo

Volume e soporte da unidade de descrición

• 9 Unidade(s) de instalación

Historia institucional/Reseña biográfica

• A Asociación “O Penedo, Fogar Galego”, de Barcelona, xurde no ano 1983 como sociedade cultural, social e de beneficencia pola iniciativa dun grupo de galegos e amigos de fora de Galicia que formaban parte da “Peña O Penedo” e permanece activa ata o 25 de marzo de 2009, data na que, en sesión extraordinaria, se acorda a súa disolución. Inscrita no Rexistro de Asociacións da Generalitat de Catalunya, son os seus fins, segundo declara o artigo 3 dos seus estatutos, a promoción e difusión dos valores culturais de Galicia, as súas tradicións e costumes; a axuda a quen puidera necesitalo; e servir como punto de encontro e cooperación da sociedade. No exercicio destas funcións, nos vinte e seis anos de existencia impulsou e desenvolveu numerosas actividades sociais e culturais, como veladas musicais e teatrais, presentación de libros ou viaxes. Entre elas hai que destacar especialmente a publicación dunha revista (O mencer), a creación dun grupo de teatro (Zarabanda), ou a convocatoria do Premio “O Penedo” . súa dotación económica procedeu basicamente das achegas iniciais dos corenta e tres socios fundadores e das cotas dos seus socios (chegaron a ser máis de trescentos), pero tamén de donativos, legados, axudas, subvencións, así como da recadación obtida dos actos culturais ou das súas publicacións que promoveu. A súa Xunta directiva, formada por catorce membros, estivo presidida por Iolanda Díaz Gallego, desde o mesmo momento da súa constitución ata a súa disolución no ano 2009. Entre os seus presidentes de honra podemos destacar a Antón Gómez-Reino, o primeiro, e a última, Carmela Arias e Díaz de Rábago. A partir do acordo de disolución constituíuse unha Comisión para a liquidación dos seus bens, que, segundo se establecía no artigo 42 dos seus Estatutos deberían pasar á Federación de Entidades Culturais Galegas de Catalunya e á Asociación de Entidades Culturais Galegas de Catalunya. Parece que isto non foi posible e, finalmente as súas propiedades, entre as que se encontraba unha biblioteca con máis de 2.000 volumes, dividíronse entre varias asociacións e institucións. O grupo teatral Zarabanda, como moitos dos seus socios, integrouse na Agrupación Cultural Galega Saudade.

Historia arquivística

• Iolanda Díaz Gallego doou á Consellería de Cultura, Educación e Ordenación Universitaria o arquivo da Asociación O Penedo, Fogar Galego, que ela custodiaba como liquidadora dos bens que nesas datas aínda non tiñan destino certo. Ingresou no Arquivo de Galicia en xuño de 2014.

Alcance e contido

Clase de documento:

• Textual

Existencia e localización de copias

• Existencia de copias: No existen copias