Expediente persoal para o concurso de pensión de Manuel e...

Referencia

• ES.GA.15078.AG/2.2.4218.//G76098/003

Signatura:

• Caixa G76098 3

Título

• Expediente persoal para o concurso de pensión de Manuel e Alejandro Peiteado Mariñas (Santiago de Compostela)

Data de creación

• 1785 / 1980

Data de acumulación

• 1900

Nivel de descrición

• Unidade de localización

Volume e soporte da unidade de descrición

• 1 Expediente(s)

• Fundación Ventura Figueroa ‌

Historia institucional/Reseña biográfica

• Manuel Ventura Figueroa Barreiro naceu en 1708 en Santiago de Compostela e faleceu en Madrid en 1783. Seguiu a carreira eclesiástica, na que pronto tivo unha posición destacada. Chamado á Corte por Fernando VI, negociou con Roma a sinatura do concordato de 1743 e ocupou cargos relevantes dentro da xerarquía católica, como o de Arzobispo de Laodicea, na actual Turquía, ou o de Patriarca das Indias Occidentais. Foi tamén Gobernador do Consello de Castela e da Cámara de Castela e home de confianza de Carlos III, e como tal, corresponsable xunto a outros persoeiros como o Conde de Aranda, Floridablanca ou Campomanes da creación do Banco de San Carlos (antecedente do Banco de España) e doutros avances económicos ou culturais producidos neste período do Depostismo Ilustrado. A Fundación Ventura Figueroa foi creada en 1784 para dar cumprimento á vontade expresada no seu testamento de destiñar as catro quintas partes dos seus bens a financiar estudos e dotes dos parentes sen recursos. Réxese por un padroado do que forman parte parentes do fundador e un representante da tutela do Estado como garante do fiel cumprimento da voontade do fundador. Neste sentido, o ano 1994 a Xunta de Galicia asume as competencia que viñá desenvolvendo a Administración Xeral do Estado na presidencia da Fundación. Declarada de interese para Galicia, o seu presidente actual é o conselleiro de Cultura, Educación e Ordenación Universitaria. No ano 1987, despois dun período de certo abandono na actividade da Fundación, trascendeu a noticia da posta en venda de varios lotes dos seus documentos. Isto orixinou, a presentación perante o Parlamento de Galicia dunha proposición non de lei por parte do grupo Misto para a súa adquisición pola consellería de Cultura e Deportes da Xunta de Galciia.

Historia arquivística

• O fondo documental da fundación (1786-1980) que o Arquivo de Galicia acaba de recibir ingresou no Arquivo Histórico Universitario de Santiago de Compostela en 1989 en concepto de depósito tras a sinatura dun acordo entre o reitor da Universidade de Santiago de Compostela, o conselleiro de Cultura e Deportes da Xunta de Galicia e o director provincial de Traballo e Seguridade Social do Ministerio de Traballo e Seguridade Social, como órgano encargado nese momento da tutela dado o carácter benéfico asistencial da fundación. No ano 2017 a Consellería de Cultura, Educación e Ordenación Universitaria propuxo á Universidade a resolución de mutuo acordo do contrato de depósito e o seu traslado ao Arquivo de Galicia, o que foi aprobado por resolución conxunta do 16 de novembro de 2017.

Alcance e contido

• Conxunto de documentos que recollen os trámites necesarios para que as persoas interesadas soliciten as prebendas que a Fundación Figueroa pon a disposición dos parentes, orfos ou necesitado, de Manuel Ventura Figueroa. Estas prebendas poden ser: dotes ás mulleres, para casar ou ingresar nunha orde relixiosa, e pensións, aos homes e mulleres para gastos de estudos. O procedemento habitual é o seguinte, o interesado presenta un Memorial ante o Padrón de Sangue da Fundación no que solicita a clasificación e nomeamento como parente e a prebenda correspondente e xustifica con documentos autenticados dito parentesco e a súa condición, estado e necesidade. O Padrón de Sangue pode solicitar Informes ou probas complementarias. Posteriormente o Padrón e Compadrón examinan o expediente e emiten unha resolución conxunta, que debe ser trasladada ao Xuíz Protector para que expoña o seu punto de vista, aceptándoa ou desestimándoa. Unha vez aceptada ou emitida a resolución polo Xuíz Protector este comunícaa por medio da Secretaría ao Padroado e autoriza e manda que se formalice a notificación ao solicitante e que se expida libramento do pago da prebenda.

Nota xeral

• Este fondo documental está en proceso de descrición e, polo tanto, a información que contén e provisional e irá variando a medida que se avance na descrición da documentación que contén.