Expediente de solicitude, formulada pola Sociedade...

Referencia

• ES.GA.15030.ARG/1.3.2.8.1.7.3.//63787-22

Signatura:

• 63787 22
  Signatura antiga
  • 316

Título

• Expediente de solicitude, formulada pola Sociedade Anónima Cros, para transportar uns postes metálicos desde Catro Camiños, A Coruña, á súa fábrica do Burgo, Culleredo, pasando pola estrada da Coruña á Pasaxe

Data de creación

• 1941-10-17. Santiago do Burgo (Culleredo) / 1941-11-10. A Coruña

Data de acumulación

• 1941-10-17. Santiago do Burgo (Culleredo) / 1941-11-10. A Coruña

Nivel de descrición

• Unidade documental

Volume e soporte da unidade de descrición

• 3 Folla(s)

• Xefatura Provincial de Obras Públicas da Coruña (España). (1905 -) ‌

Historia institucional/Reseña biográfica

• Desde a primeira creación do Ministerio de Fomento, en 1832, ata 1931, en que se crea o Ministerio de Obras Públicas, as competencias en materia de estradas e camiños estarán adscritas aos ministerios do Interior (1834), da Gobernación (1835), de Comercio, Instrución e Obras Públicas (1847), outra vez de Fomento (1851), de Agricultura, Industria, Comercio e Obras Públicas (1900) e novamente Fomento (1905). Durante este período, os subdelegados de Fomento, primeiro, gobernadores de provincia e gobernadores civís, exercerán estas competencias no nivel territorial. No seo dos gobernos civís, créanse en 1857 as seccións de Fomento, que acadarán unha progresiva autonomía. En 1905, establécense as xefaturas provinciais de estradas, pasando a denominarse xefaturas de obras públicas en 1931 e novamente xefaturas provinciais de estradas en 1966. Neste mesmo ano créanse as delegacións provinciais do Ministerio de Obras Públicas, que exercían unha representación de carácter xeral (Estradas, Transportes, Augas e Costas) en cada unha das provincias e que tiñan ao seu cargo os servizos de Información, Prensa e Relacións Públicas, e as xefaturas rexionais de estradas, como órganos intermedios entre a Dirección Xeral e as xefaturas provinciais encargados da coordinación entre as diversas xefaturas. Á súa fronte estará un enxeñeiro xefe rexional que asumirá as competencias de inspección que tiñan atribuídas as inspeccións xerais do Servizo de Estradas a partir do ano 1958. En total, créanse oito xefaturas rexionais con sedes en Madrid, Oviedo (na que se inclúe Galicia), Bilbao, Zaragoza, Barcelona, Valencia, Málaga e Sevilla. En 1986 reestrutúranse os servizos provinciais e rexionais do Ministerio de Obras Públicas e Urbanismo e créanse as demarcacións de Estradas do Estado para a realización das funcións non afectadas polo proceso de transferencias ás comunidades autónomas. Dado que as funcións que desempeñan son de ámbito supraprovincial, estarán encadradas organicamente nas delegacións do Goberno respectivas, sen prexuízo de que as unidades propias de cada provincia poidan estar encadradas nos diferentes gobernos civís (agora subdelegacións do goberno) e da dependencia funcional do Ministerio de Obras Públicas e Urbanismo (agora Fomento). Entre as funcións das xefaturas provinciais achábanse as de estudo, planificación e programación dos traballos por desenvolver: proxectos, construción, conservación e explotación das estradas do seu ámbito territorial.

Historia arquivística

• Ata o momento do seu ingreso no Arquivo do Reino de Galicia, en xullo do ano 2004, este conxunto documental permaneceu baixo custodia dos organismos produtores (Xefatura Provincial de Estradas, Xefatura Provincial de Obras Públicas, Demarcación de Estradas do Estado), primeiro no edificio que foi sede da Xefatura de Estradas na Coruña, transformado a medidados dos anos da década de 1990 en sede da Delegación do Goberno en Galicia, na praza de Ourense, e logo no Laboratorio de Estradas no polígono de Sabón. Alí, baixo a dirección do profesor Carlos Nárdiz, o conxunto foi organizado e descrito por bolseiros da Escola de Enxeñeiros de Camiños da Coruña que estaban a realizar o servizo de obxección de conciencia, "asignándolle a cada proxecto unha ficha que resumía a documentación existente", en palabras do propio Nárdiz.

Alcance e contido

• Expediente que reflicte o trámite para que o interesado obteña a autorización para transportar materiais que excedan dun peso determinado, ou cun vehiculo de determinadas dimensións, por parte do enxeñeiro xefe de Obras Públicas

Existencia e localización de copias

• Existencia de copias: Non existen copias
  

Unidades de descrición relacionadas

Unidades relacionadas no arquivo dixital:

• 15030.ARG: Oficio do delegado inspector da Sociedad Anónima Cros, ao gobernador civil, no que lle informa sobre cargamentos de superfosfatos chegados de Sevilla

Descritores de institucións

• Sociedad Anónima Cros. (1831 - 1989) ‌