Troco feito entre Lopo da Somoza, comendador da encomenda...

Ligazón persistente

En negrita las ramas con unidades físicas

Troco feito entre Lopo da Somoza, comendador da encomenda de Ribadavia con Beade, a Xoán Fernández, carniceiro, morador en Beade, no que o comendador da a Xoán Fernández e á súa muller unha casa en Beade, onde chaman Enfesta, e o dito Xoán da unha cantidade de viño cada ano por unha leira que está en Varcea Longa, na freguesía de San Cristovo de Regodeigón

Situada á beira do río Avia, a casa central da encomenda de Santa María de Beade atopábase no concello de Beade (Ourense). Composta por 18 coutos ou priorados, a súa orixe remóntase ao século XII. Os seus dominios estendíanse desde as ribeiras do río Avia ata Vigo e a ría de Pontevedra, pasando pola zona central do territorio galego, con coutos no Deza e en Vedra. Ao longo da súa historia, Beade acumulou as encomendas de Toroño, Mourentán e Ribadavia. Así o comendador de Ribadavia no século XIV era tamén comendador de Beade e Mourentán. Ademais esta encomenda recibiu bens da orde do Temple, como o couto de Santiago da Canda, que pasou en 1319 de mans dos templarios aos sanxoanistas de Santa María de Beade.

Este fondo ingresou no arquivo procedente da Delegación de Facenda en 1943. Forma parte dos documentos fundacionais do Arquivo Histórico Provincial de Ourense e procede das institucións relixiosas desamortizadas no século XIX. Trala Desamortización os arquivos das institucións relixiosas ingresaron no Arquivo Histórico Nacional pero unha boa parte dos fondos monásticos ourensáns permaneceu nas dependencias provinciais de Facenda e pasou a constituír a documentación fundacional do arquivo.