Santiago de Compostela (A Coruña): botafumeiro en movemento

Ligazón persistente

Ediciones Arribas é unha empresa de Zaragoza dedicada á edición de postais. Foi creada por Manuel Arribas Andrés en 1905 e continuou a súa actividade baixo a dirección dos seus descendentes Mariano Arribas Fuentes e José Luis Arribas Callizo. Para realizar as postais, valeuse das súas propias fotografías e das de outros fotógrafos como A. González, Daniel Arbones Villacampa e, sobre todo, Luis García Garrabella. En 1992 a empresa foi vendida a outra sociedade.

Estes negativos foron adquiridos pola Consellería de Cultura por compra a Jerónimo Gilabert, en representación de Martínez Santolaya, S.L., entre 2004 e 2007, en varias partes, e entregados ao Arquivo Histórico Provincial de Lugo. No ano 2017 completouse a súa descrición e dixitalización.

Contén maioritariamente tomas de monumentos e paisaxes de Galicia, xunto con algúns illados de Marbella e Madrid. Concretamente, de Galicia, aparecen fotografías das seguintes localidades: Céltigos, Guitiriz, Lugo, Monforte de Lemos, Ribadeo, Samos, Santo Estevo de Lousadela, Sarria, Vilalba, Viveiro, A Capela, A Coruña, As Pontes, Bergondo, Betanzos, Brión, Cabanas, Cee, Corcubión, Ferrol, Laxe, Melide, Miño, Monfero, Mugardos, Muxía, Noia, Oleiros, Ortigueira, Paderne, Ponte do Porco, Pontedeume, Santiago de Compostela, Valdoviño, Combarro, O Grove e Panxón

Unidades de descrición relacionadas: No Arquivo Municipal de Zaragoza, no Arquivo Rexional da Rexión de Murcia e no Arquivo Rexional da Comunidade de Madrid se conservan máis negativos e/ou postais de Arribas