Contas de aforros de penados de 1954

Referencia

• ES.GA.27028.AHPLU/1.3.2.7.DPBL.03.01.28781-013.

Signatura:

• Caixa 28781-013

Título

• Contas de aforros de penados de 1954

Data de creación

• 1954

Nivel de descrición

• Unidade documental

Volume e soporte da unidade de descrición

• 1 Unidade(s) de instalación compartida(s)

• Destacamento Penal de Barrios de Luna (León, España) ‌

Historia institucional/Reseña biográfica

• Os traballos forzados, habituais noutras épocas históricas, recuperáronse en España coa promulgación do Real Decreto de 20 de novembro de 1911, polo que se crean os destacamentos penais, nos que se redime a pena polo traballo. Ao principio da Segunda República foron suprimidos e logo retomados polo decreto de 26 de decembro de 1936 para condenados por conspirar contra o goberno republicano. Pero é na zona nacional onde se desenvolve máis este sistema, sobre todo a partir da creación do Patronato Central para a Redención das Penas polo Traballo, en 1938. A organización do sistema alcanza a súa configuración definitiva en 1942. Posteriormente, a medida que os presos políticos foron adquirindo a liberdade, o sistema foi declinando ata desaparecer en 1970. Nos destacamentos penais executábanse traballos cualificados de interese nacional, como obras públicas (ferrocarril, estradas, encoros), reconstrucións, traballos en minas, etc. Os penados adoitaban vivir en barracóns a pé de obra, dado o carácter provisional do traballo. Inicialmente eran destinados a estes destacamentos só os presos políticos, pero desde mediados dos anos 40, tamén os penados comúns. Este sistema permitíu dispoñer de man de obra barata e nada conflitiva en tempos en que o país estaba destrozado, moitos traballadores morreran na guerra e os cárceres estaban sobresaturados. O Destacamento Penal de Barrios de Luna (León) tiña como obxecto a construción do encoro homónimo sobre o río Órbigo. O proxecto do encoro foi elaborado entre 1935 e 1936 pero a súa execución quedou paralizada pola Guerra Civil. Os traballos inícianse en 1945 e rematan en 1956.

Historia arquivística

• Esta documentación chegou ao Arquivo Histórico Provincial de Lugo mesturada coa da Prisión Provincial de Lugo, de prisións de partido da provincia de Lugo e dos destacamentos penais do Courel e Toiriz. Foi recollida polo arquivo en 1989 tras aparecer abandonada no edificio do antigo cárcere do partido de Lugo. Probablemente quedou tralo traslado da prisión a Bonxe debido ao seu deficiente estado de conservación. No Arquivo Histórico Provincial de Lugo custódianse moi poucos documentos. Ignórase por que razón chegaron a Lugo.

Alcance e contido

• Só abrangue tres documentos: partes semanais de accidentados e enfermos do ano 1952, conta de aforros de penados de setembro e outubro de 1954 e a conta de oficina do ano 1954

Condicións de acceso

Lingua:

• Spanish; Castilian

Características físicas

Estado de conservación:

• Bo

Descritores de materia

• Establecementos penitenciarios ‌
• Presos políticos ‌
• Traballo forzoso ‌
• ‎Memoria democrática de Galicia ‌