Expediente persoal do recluso Leopoldo López Lois

Referencia

• ES.GA.32054.AHPOU/1.3.2.9.2.8.2.1.3.//26464/076

Signatura:

• Caixa 26464/076

Título

• Expediente persoal do recluso Leopoldo López Lois

Data de creación

• 1936 / 1943

Data de acumulación

• 1936 / 1938

Nivel de descrición

• Unidade documental

Volume e soporte da unidade de descrición

• 3 Folla(s)

• Prisión Central de Celanova (Ourense, España). (1938 - 1943) ‌

Outros productores

• Prisión Habilitada de Celanova (Ourense, España). (1936 - 1938) ‌
• Prisión Provincial de Ourense (España). (1873 - 1987) ‌

Historia institucional/Reseña biográfica

• As primeiras noticias existentes acerca da instalación dun cárcere no mosteiro de San Salvador de Celanova datan de tan só dez días despois do inicio da Guerra Civil, cando o xornal La Región publicaba, o 27 de xullo de 1936, a noticia de que no cárcere de partido da vila de Celanova ingresaran 13 mulleres comunistas procedentes da capital, ademais de sinalar que o antigo mosteiro de San Salvador de Celanova fora rehabilitado para acoller a aqueles presos que “non caben” na Prisión Provincial. A partir deste intre a cronoloxía deste novo centro penitenciario estará marcada por tres períodos diferenciados: o primeiro como prisión local, despois como un anexo da Provincial e, por último, como prisión central plenamente autónoma. Nun primeiro momento a súa función reduciríase a acoller aqueles presos que eran produto das detencións levadas a cabo na comarca e nos seus arredores. Con todo, xa nos primeiros días de agosto este centro transformarase en prisión habilitada, acollendo a aqueles presos que, dado o volume alcanzado pola represión franquista na provincia, non tiñan cabida na Prisión Provincial. O forte incremento no número de reclusos que experimenta a prisión de Celanova a partir de comezos de 1938 probablemente respondese á intención de cambiar a súa clasificación penal, converténdoa nun centro de reclusión para presos políticos. O cambio prodúcese en maio dese mesmo ano cando o xefe do Servizo Nacional de Prisións notifica ao director da Prisión Provincial o acordo tomado para transformar o Mosteiro de Celanova en Prisión Central. A partir deste intre funcionará como unha prisión plenamente autónoma, que terá como función acoller unicamente a presos políticos, acusados de rebelión militar e xulgados por un tribunal militar, aínda que existe constancia de que nesta prisión tamén tiveron cabida os presos comúns. A ela chegarán presos de distintas procedencias, tanto doutras cidades galegas como de poboacións do norte de España. Na súa transformación como prisión autónoma debeu xogar un papel importante a súa localización, unha pequena vila do interior da provincia de Ourense, na retagarda da zona nacionalista, e o feito de contar cun edificio con capacidade para albergar ata 1500 reclusos. A estas razóns debemos sumar a súa proximidade a Asturias, o Goberno Militar de Oviedo ordenou o traslado duns 4000 presos procedentes de cárceres asturianos durante os seis anos nos que o mosteiro de San Salvador de Celanova actuou como prisión central, co que se contribuía a aliviar a concentración de internos que se estaba producindo nos centros de Xixón e Oviedo. Con todo, o progresivo descenso do número de reclusos nos primeiros anos da década dos 40 levou a que se decidise o seu peche. O 2 de setembro de 1943 un oficio da Dirección Xeral de Prisións comunica o acordo de proceder ao peche da Prisión Central de Celanova. Os reclusos serán distribuídos entre a Prisión Central de Burgos, a Prisión de Santa Isabel de Santiago, a Prisión Central de Xixón e a Provincial de Ourense. Desde que, a finais de setembro de 1943, a prisión pechará as súas portas foron varios os usos que se deron a este espazo, na actualidade é a sede do Concello de Celanova, da Policía local, do Instituto de Ensino Secundario de Celanova e de varias institucións culturais e asociacións locais.

Historia arquivística

• A serie xérase na Prisión Central de Celanova e ao pecharse este centro, a documentación pasa á Prisión Provincial de Ourense, onde algúns reclusos continúan a súa condena. En 1987 a Prisión Provincial de Ourense trasládase a un novo edificio construído para tal efecto no municipio do Pereiro de Aguiar e nese traslado inclúense os expedientes persoais dos internos que permanecerán no arquivo deste novo centro penal ata a súa transferencia ao Arquivo Histórico Provincial. Polo ditame 34/2010 (28/09/2010) da Comisión Superior Cualificadora de Documentos Administrativos, aprobado mediante a Resolución de 28/02/2011 (BOE do 30 de marzo de 2011) a serie de Expedientes persoais de internos en centros penais ([1834]-1979) é declarada de conservación permanente

Alcance e contido

• De profesión fabricante, natural e veciño de Maside (Ourense), data de nacemento [1884].

Clase de documento:

• Textual

Condicións de acceso

Condicións de reprodución

Condicións de reprodución:

• A reprodución está suxeta ao establecido no Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia así como na Lei 6/2003, de 9 de decembro, de taxas, prezos e exaccións reguladoras da Comunidade Autónoma de Galicia. Igualmente, a publicación dunha reprodución debe ser autorizada, devengando o prezo público establecido no Decreto 219/2011 (artigo 5). Limítase a reprodución daqueles documentos que se atopen en mal estado de conservación ou non poidan ser obxecto de consulta segundo a normativa de acceso.

Lingua:

• Spanish; Castilian

Escritura:

• Humanística
• Mecanografada

Características físicas

Material no que se rexistra a información:

• Papel

Existencia e localización de orixinais

Originales relacionados en el archivo digital:

• 32054.AHPOU: Expediente persoal do recluso Leopoldo López Lois

Unidades de descrición relacionadas

• Buscar.combatientes.es

• Unidades de descrición relacionadas: Expediente de conmutación de penas a: Leopoldo López Lois; Manuel López González; Luis López González; Eduardo González Pérez; Tomás Bermello González; Tomás Lamas Salgado. Membros da Frente Popular de Masiede. Causa 1199/37.
  Localización (Código de arquivo): ES.GA.15078.AFLT/26.5.2.//Caixa 1496-48
  Código/s de referencia/signaturas: Caixa 1496 48
  Galiciana. Arquivo da Fundación Luís Tilve

Unidades relacionadas no arquivo dixital:

• 32054.AHPOU: Expediente de responsabilidades políticas de Felisindo Movilla Otero, Ángel Martínez Merino, Manuel Fernández Borrajo, José Martínez Cid, Ángel Novoa Novoa, Luis López González, Leopoldo López Lois, Antonio Caride Freijido e Juan González Vázquez.

• 32054.AHPOU: Expediente de responsabilidades políticas de Manuel Blanco González, Jacinto Rivero Mira, Antonio de la Fuente, Ricardo Rodríguez Rodríguez, Victoriano González Álvarez, Benjamín Rúa Álvarez, Constante González, Camilo Redonet Estévez, Leopoldo López Lois e Fermín Varela Sueiro.

• 32054.AHPOU: Expediente de responsabilidades políticas de Manuel López González, Leopoldo López Lois, Luis López González, Eduardo González Pérez, Tomás Bermello González e Tomás Lamas Salgado.

Nota xeral

• É preciso sinalar que este fondo está en fase de organización.

Nota á área de identificación

• A data final de acumulación da serie ven dada por oficios posteriores solicitando información ou documentación

Nota á área de contido e estrutura

• Hai indicios de que a documentación sufriu un expurgo selectivo antes de ser abandonada no vello edificio da Prisión Provincial.

Descritores de persoa

• López Lois, Leopoldo, ([1886] - 08/06/1948) ‌

Descritores de materia

• Establecementos penitenciarios ‌
• Represión política ‌
• Franquismo ‌
• Presos políticos ‌
• ‎Memoria democrática de Galicia ‌