Afonso González e Gómez Afonso, irmaos da Ribeira do Mende, venden a Juan de Bóveda, veciño de Ourense, os muíños do río Loña, que tiñan aforados á catedral de Ourense e se chaman de Gradín, por dez mil marabedís
Segundo a Guía do Arquivo de Antonio Gil Merino, o antigo director Andrés Martínez Salazar doara 363 documentos medievais no ano 1897. Procedían na súa maior parte de mosteiros e conventos desamortizados e foran separados por el dos seus fondos orixinais, segundo o testemuño manuscrito de Ángel del Castillo que se conserva no Arquivo, probablemente coa finalidade de impedir a súa subtracción ou simplemente para a investigación persoal. A este núcleo sumáronse posteriormente novas achegas, esta vez procedentes de preitos e expedientes tramitados perante a Real Audiencia de Galicia, que foron instalados á parte no propio Arquivo, de acordo cunha práctica tradicional, para a súa mellor conservación.
Alcance e contido
O mesmo soporte inclúe unha escritura de traspaso da propiedade dos muíños a Aldonza, filla de Alonso de Ramuín, que falecera sen facer escritura. 03-05-1515. Ourense