Foro outorgado por Costanza Lourenza e Maior Lourenza,...

Ligazón persistente

En negrita las ramas con unidades físicas

Foro outorgado por Costanza Lourenza e Maior Lourenza, veciñas dos lugares de A Veronza e Vilariño, na freguesía de San Miguel de Carballeda, a Álvaro da Barca e á súa muller, Tareixa González, moradores na freguesía de Santa María de Beade, da metade do lagar con tres leiras de viña e monte na freguesía de Beade, ademais da parte que teñen na leira das Cernadas e de Río de Moas e outras herdades, coa condición de plantar de viña as leiras de monte nos tres primeiros anos e dar parte do viño cada ano, entre outras rendas

Situada á beira do río Avia, a casa central da encomenda de Santa María de Beade atopábase no concello de Beade (Ourense). Composta por 18 coutos ou priorados, a súa orixe remóntase ao século XII. Os seus dominios estendíanse desde as ribeiras do río Avia ata Vigo e a ría de Pontevedra, pasando pola zona central do territorio galego, con coutos no Deza e en Vedra. Ao longo da súa historia, Beade acumulou as encomendas de Toroño, Mourentán e Ribadavia. Así o comendador de Ribadavia no século XIV era tamén comendador de Beade e Mourentán. Ademais esta encomenda recibiu bens da orde do Temple, como o couto de Santiago da Canda, que pasou en 1319 de mans dos templarios aos sanxoanistas de Santa María de Beade.

Este fondo ingresou no arquivo procedente da Delegación de Facenda en 1943. Forma parte dos documentos fundacionais do Arquivo Histórico Provincial de Ourense e procede das institucións relixiosas desamortizadas no século XIX. Trala Desamortización os arquivos das institucións relixiosas ingresaron no Arquivo Histórico Nacional pero unha boa parte dos fondos monásticos ourensáns permaneceu nas dependencias provinciais de Facenda e pasou a constituír a documentación fundacional do arquivo.