Paradela Criado, Álvaro, 1911 - 1979

1. Área de identificación

1.1 Tipo de entidad:

Persoa

1.2 Forma autorizada del nombre:

Paradela Criado, Álvaro, 1911 - 1979

2. Área de descripción

2.1 Fechas de existencia:

1911 - 1979

2.2 Historia/Descripción:

Cursou estudos primarios cos salesianos da súa cidade natal e continuou nas Escolas da Garda. Na Facultade de Medicina de Santiago de Compostela tivo os seus primeiros contactos co anarquismo, afiliouse á Confederación Nacional do Traballo (CNT) e chegou a ser o responsable do seu sindicato de Sanidade en Santiago, integrado por estudantes de Medicina. Licenciado en 1932, afirmou en varias ocasións que realizou a tese doutoral baixo a dirección de Marañón, aínda que no Arquivo da Universidade Central non se conserva o preceptivo exemplar e o único que consta no seu expediente académico, tras superar os cursos de doutoramento en 1932-1933, é o título de profesor de Educación Física, outorgado por esa Universidade en agosto de 1934. Exerceu na Coruña desde decembro dese ano ate febreiro de 1957 e mantivo un servizo de urxencias na rúa de San Andrés. En 1935 colaborou coa Escola Racionalista de Ferrol. Tamén participou como conferenciante no Centro de Estudos Sociais Germinal, da Coruña. Segundo se deduce dos seus escritos, librouse de ser “paseado” en 1937 grazas á súa madriña. Despois da Guerra Civil participou en distintas iniciativas xornalísticas en Ferrol e A Coruña, co pseudónimo de Amaro Orzán. Desde 1957 até 1960 traballou de médico rural en Curtis, onde foi cronista oficial e asinaba como Cronista vital. Neses anos colaborou con La Voz de Galicia, enviou artigos de reportaxes e denuncias que lle supuxeron a apertura dun expediente sen máis consecuencias. Utilizando ao seu can, Barqui, retratou cun estilo moi persoal, entre irónico e ácido, excelentes escenas da vida rural. Logo, até a súa morte, exerceu como médico en Narón, onde creou o topónimo “Ferrolterra” e delimitou o seu territorio; nesa etapa editou os Cuadernos de Amaro Orzán. Tamén publicou en La  Voz de Ortigueira, La Noche, ABC, El Heraldo de Vivero, Ferrol Diario e La Rexión, entre outros xornais. Bo escritor en galego e castelán, en 1958 recibiu o Premio Ángel Baltar Cortés, por un traballo sobre a novela galega; o Pérez Lugín, de xornalismo, polo artigo “Cheira a pan”, e o Premio O Facho, de contos infantís, por Raiosol. No ano 1962 gañou o Premio Fernández Latorre co artigo “La vida y sus ramas. Un ciudadano en el campo”. Ten unha praza dedicada en Freixeiro (Santa Comba, A Coruña) e un monumento en Narón. En 1994 creouse o Premio Rexional de Narracións Curtas Álvaro Paradela, convocado pola Sociedade Artística Ferrolá. Morreu atropelado por un vehículo en Narón.

2.3 Lugares:

Lugar de nacimiento: A Coruña
Lugar de fallecimiento: Narón
España. Otro lugar asociado: Curtis (A Coruña). Residencia, sede: A Coruña. Periodo: Narón

2.5 Funciones, ocupaciones y actividades:

Actividad:

Médico, Poeta, ensaísta e libertario

3. Área de relaciones

Instituciones:

Confederación Nacional del Trabajo (España). (1910 -)
Asociativa: Afiliado

Materias:

Médicos
Término relacionado: Profesión

Escritores
Término relacionado: Profesión

Anarquismo
Término relacionado: Ideoloxía

Guerra civil española (1936-1939)

Informes político-sociais

Ditadura de Franco (1939-1975)

4. Área de control

4.1 Identificador del registro:

ADGA20230012826

4.3 Reglas y/o convenciones:

ISAAR(CPF): Norma Internacional sobre Registros de Autoridad de Archivos relativos a Instituciones, Personas y Familias. 2ª ed. Consejo Internacional de Archivos, 2004

4.4 Estado de elaboración:

Finalizado

4.5 Nivel de detalle:

Completo

6. Relaciones con recursos Web

https://buscar.combatientes.es/resultados/alvaro/Paradela/Criado