Inauguración do monumento a Curros Enríquez na Coruña

Referencia

• ES.GA.15030.ARAG/5.2.2.53.//FS.Caixa 7-25

Signatura:

• Depósito: RAG. Depósito 1 Subsección: FS Caixa 7 25
  Signatura antiga
  • R.713

Título

• Inauguración do monumento a Curros Enríquez na Coruña

Data de creación

• 1934-08-11. 1934, agosto, 11, A Coruña

Nivel de descrición

• Documento

Volume e soporte da unidade de descrición

• 1 Fotografía(s)
• 1 Fotografía(s)

Outras características físicas:

• 1 positivo, 88 x 140 mm, papel (Agfa), xelatina DOP

• Real Academia Galega ‌

Outros productores

• Curros Enriquez, Manuel ‌

• Foto Blanco (A Coruña), Fotógrafo ‌
• Hotel Atlántico (A Coruña, España) ‌
• Inauguración Monumento a Curros Enríquez (1934, A Coruña) ‌
• Orfeón Terra a Nosa (A Coruña, España) ‌
• Real Academia Galega ‌

Historia institucional/Reseña biográfica

• O 30 de setembro de 1906 inaugurase oficialmente, no salón da coruñesa Reunión Recreativa e Instrutiva de Artesáns, a Real Academia Galega, que xa fora constituída o 4 de setembro de 1905. No acto conflúen os dous vieiros principais do galeguismo naquela altura. O primeiro deles, agrupado arredor de Manuel Murguía, representa a continuidade do programa do Rexurdimento e do Rexionalismo, mentres que o segundo proviña da vizosa comunidade de emigrantes galegos en Cuba onde naceu, en 1905, a Asociación Iniciadora e Protectora da Academia Galega. A Asociación Iniciadora foi a principal fornecedora das remesas precisas para acometer os gastos da fundación e sostemento da Academia e tivo por obxecto, segundo o seu propio regulamento: "darlle unidade ao idioma galego mediante a publicación dunha gramática e un dicionario". A figura senlleira do litógrafo de orixe ferrolá, Xosé Fontenla Leal, apadriñado polo prestixio intelectual de Curros Enríquez, foi fundamental na organización e bo resultado deste proxecto. Os anos de Murguía, 1906-1923 Baixo o gran prestixio persoal e intelectual de Manuel Murguía, a Academia vive a súa idade de ouro. Dá comezo unha intensa actividade organizando numerosos actos culturais e celebrando frecuentes plenarios por todo o País. É agora tamén cando se acordan as bases para a elaboración do dicionario que empeza a ser publicado por entregas entre 1912 e 1928, ou se conseguen ampliar as dependencias da Academia grazas ao seu traslado ata o edificio do Concello en María Pita. Pero, sobre todo, neste período encétase a publicación do Boletín da Real Academia Galega, do que se chegaron a editar 149 números en vida de Murguía. Coa súa morte o 1 de febreiro de 1923, aos noventa anos, o primeiro Presidente deixa como legado unha Academia forte, ben organizada e cun camiño ante si rigorosamente trazado. Entre Murguía e a República, 1923-1936 Nesta segunda etapa, ocupan sucesivamente a presidencia Andrés Martínez Salazar (1923), Francisco Ponte Blanco (1923-1926), Eladio Rodríguez González (1926-1934) e Manuel Lugrís Freire (1934-1935). A inesperada e precoz morte do prestixioso investigador e editor Martínez Salazar, considerado o herdeiro natural de Murguía, supón un importante revés para a Academia, agravado pola suspensión das remesas procedentes de Cuba e a instauración da ditadura de Primo de Rivera. Aínda así, a incorporación de importantes persoeiros da nova xeración galeguista, como Otero Pedrayo, Vicente Risco, Castelao e Antón Villar Ponte, xunto coa axuda económica chegada da recentemente constituída Asociación Iniciadora e Protectora da Academia Galega de Bos Aires, semellaba augurar un espléndido porvir para a nosa institución tronzado, traxicamente, polos sucesos de 1936. Os anos escuros, 1942-1977 Tras a Guerra Civil, a Academia entra nun estado de semiclandestinidade, moi próximo ao da súa desaparición definitiva. Sometendo a silencio, exilio ou morte á parte máis consciente do galeguismo republicano, o réxime franquista só tolera unha continuidade simbólica e testemuñal da Academia, que non volve constituírse formalmente ata o ano 1943, so a presidencia de Manuel Casás. Malia todo, a entrada na Academia de intelectuais procedentes do chamado "Grupo Galaxia" daralle un novo pulo á institución. Así, por iniciativa de Francisco Fernández del Riego, Manuel Gómez Román e Xesús Ferro Couselo dá comezo en 1963, durante a presidencia de Sebastián Martínez-Risco, a celebración do Día das Letras Galegas. Desta maneira, e coincidindo co centenario da publicación de Cantares Gallegos, inaugúrase a conmemoración máis importante da nosa cultura e de maior repercusión social. Na democracia, 1977-1997 Da longa presidencia de Domingo García-Sabell podemos destacar diversos feitos de importancia histórica, como o Acordo Ortográfico de 1982, o recoñecemento á RAG na Lei de Normalización Lingüística, a creación do Seminario de Lexicografía -no seo do cal se elaboraría o primeiro dicionario monolingüe da RAG- ou, máis tarde, do Seminario de Sociolingüística, que se encargaría da realización do Mapa Sociolingüístico de Galicia, entre outras achegas. É tamén neste tempo, en 1978, cando se completa o traslado da Academia desde as dependencias municipais ata a súa actual sede no número 11 da rúa Tabernas. Cara á actualidade Os catro anos de presidencia de Francisco Fernández del Riego, entre 1997 e o 2001, supuxeron unha apertura sen precedentes na historia da Academia. Durante este período, ingresaron na institución intelectuais de prestixio procedentes dos diversos ámbitos culturais ou científicos, mais, sobre todo, renovouse a vontade de servizo ao País e de participación nos debates do seu tempo. Xa na presidencia de Xosé Ramón Barreiro, proseguiuse a liña de diálogo e asunción de responsabilidades marcada polo seu predecesor. O resultado deste compromiso concretouse en feitos como o Acordo Ortográfico de 2003. Unha vontade de compromiso e implicación na defensa da lingua e cultura de Galicia que pretende ser o constante propósito da Real Academia Galega para o século que comeza.

Historia arquivística

• Trátase dunha colección facticia cerrada, producida pola Real Academia Galega, que reune 221 pequenos expedientes con fotografías, impresos e tarxetas postais, que recollen imaxes de autores e personaxes galegos. Este material probablemente debía ser empregado como base documental para a publicación de artigos no Boletín.No 2007 empezouse a separar a documentación escrita da fotográfica do boletín.

Alcance e contido

• Plano xeral dos xardíns de Méndez Núñez na Coruña, co monumento a Curros, no centro, o día da súa inauguración. Os asistentes ao acto rodean o monumento. No centro deles, un home non identificable, fala cos brazos alzados. Á esquerda entre eles, algúns dos membros das corais galegas asistentes, entre os que destaca o estandarte do orfeón "Terra a Nosa". En primeiro plano un grupo de militares en ringleira. Á dereita asoma un anaco da tribuna das autoridades, diante do Hotel Atlántico.

Clase de documento:

• Iconográfico

Características físicas

Estado de conservación:

• Bo

Descrición do estado de conservación:

• Copia dixital de alta calidade.

Existencia e localización de copias

• Existencia de copias: No existen copias
  Información adicional da copia: S-7-25 DV-D-54
  

Nota xeral

• Existe copia desta foto no rex. 1243.

Descritores xeográficos

• Monumento ; Curros Enríquez (A Coruña) ‌
• Xardín ; Méndez Núñez (A Coruña) ‌

Descritores de materia

• Academias, Sociedades Culturais, Etc ‌
• Agrupacións folclóricas ‌
• Conferencias e discursos ‌
• Edificios ‌
• Espectadores ‌
• Grupos ‌
• Inauguracións ‌
• Militares ‌
• Monumentos ‌
• Xardíns ‌