Fermín Fernández Penzol-Labandera (1901-1981), naceu Sahagún (León). Pasou a súa infancia en Mondoñedo, a súa adolescencia en Pontevedra e a súa vida de estudiante universitario en Madrid, onde se licenciou en Dereito. Foi rexistrador da propiedade de profesión. O seu afán bibliófilo levouno a formar un importante conxunto bibliográfico e documental especializado en temas de Galicia, Portugal é, en menor medida, Asturias. No 1956 Fermín Penzol realiza a entrega simbólica do seu legado a Editorial Galaxia e anos mais tarde, mediante escritura notarial do 7 de abril de 1963, constitúese na cidade de Vigo a Fundación Penzol cun padroado formado por personaxes destacadas das artes, das letras e das ciencias de Galicia. A súa principal finalidade será a de servir como centro de investigación de estudios galegos. A Fundación establécese en Vigo, inicialmente no número 24 da rua Policarpio Sanz baixo a dirección de Francisco Fernández del Riego. No 1985 mediante acordo suscrito entre a Fundación Penzol e o Concello de Vigo, os fondos trasládanse aos locais da Casa Galega da Cultura de Vigo no número 2 da Praza da Princesa, a súa sé actual. En 2008 anóvase o Patronato da Fundación ampliando os seus membros e incorpórandose institucións no mesmo (Real Academia Galega e Consello da Cultura Galega). Francisco Fernández del Riego, alma e brazo executor da Fundación, retírase, producíndose dous anos máis tarde o seu pasamento. O seu sustituto e director actual é Francisco Domínguez..
Historia arquivística
Das referencias na correspondencia privada e papeis de Fermín Penzol, conclúese que foron mercados polo mesmo en diversas librerías de vello e a algúns particulares.
Alcance e contido
Contén: 1.- 1276-05-01 / [Monterroso] (Lugo) Maior López, muller de Domingo Pelaez, vende a Martín Fernández de Picón, clérigo, e a María Núñez unha parte do casal de Picón chamado das Quintas, por cincocentos soldos. Ante Xoán Rodríguez, notario en Monterroso. 2.- 1275-11-09 / [Monterroso] (Lugo) Gonzalo Núñez, morador en Montelongo, vende a María Núñez, súa irmá, e a Martiño Fernández de Picón, unha metade, e a Lopo Núñez, tamén seu irmán, a outra metade dos bens que ten en Salceda, feligresías de Santa María de Marzaes e San Cristovo do Souto, e na de Santiago da Moega, por cen soldos. Ante Xoán Rodríguez, notario en Monterroso.
Condicións de acceso
Condicións de acceso
Descrición condicións de acceso:
Libre acceso en función do estado de conservación.
Lingua:
Galego
Escritura:
Letra gótica documental
Características físicas
Material no que se rexistra a información:
Pergameo
Notas
Nota xeral
Leva anotación ao verso. Onomástica antiga: - Moor Lopes - D[oming]o Payz - Martin Fernadez de Picon - Maria Nuniz - G[onçalv]o Nuniz - Maria Nuniz - Lopo Nuniz Toponimia antiga: - Picon - Quintas - Sancta Maria de Marçaes - San Chrisptovo do Souto - Sanctiago da Moega As parroquias de San Cristovo de Souto e Santa María de Marzás forman parte da antiga xurisdicción da Peroxa (Ourense) Notario: - "Iohan Rodrigez notario publico del Rey dado en Monterrosso".