Cal Brandao, Silo José, 1908 - 1954

1. Área de identificación

1.1 Tipo de entidad:

Persoa

1.2 Forma autorizada del nombre:

Cal Brandao, Silo José, 1908 - 1954

2. Área de descripción

2.1 Fechas de existencia:

1908 - 1954

2.2 Historia/Descripción:

Un dos tres irmáns Cal Brandão, o do medio, o que morreu máis cedo e o máis descoñecido. Pertencente a unha familia de combativos opositores á ditadura militar e do Estado Novo, comezou por ser un activista estudantil nas Universidades de Coímbra e do Porto. Participou en Coímbra no movemento revolucionario de 1928 e estivo igualmente envolvido nos movementos académicos de 1931 no Porto. Tivo que refuxiarse en España. Tras o golpe militar contra a República e o Goberno da Fronte Popular en España en 1936, foi prendido e pasou cerca de dous anos nas prisións franquistas, onde perdeu a saúde, que nunca máis recuperou. Regresado a Portugal, continuou a participar en actividades contra o Estado Novo até á súa morte. Silo José Cal Brandão naceu na freguesía de Ramalde, no Porto, a 23 de Marzo de 1908. Era fillo da Amélia Brandão (1887- 1974) e do emigrante galego Silo José Cal Muiños, natural de Redondela (Pontevedra), empregado comercial na empresa inglesa Casa Graham. Matriculouse na Facultade de Medicina de Coímbra e foi vivir para a República das Aguias, fundada por Carlos. Na cidade, no movemento revolucionario de Xullo de 1928, os revoltosos reuníronse na República das Aguias. Foi prendido, co seu irmán Mário, tras a prevista revolta de 1928. Silo pasou entón, tal como o irmán Mário, varias semanas encarcerado no Goberno Civil de Lisboa. Tendo que mudar para a Facultade de Medicina do Porto, aí participou nos movementos académicos e na folga de Abril de 1931, reprimida por forzas militares e policías que provocaron a morte do estudante João Branco, cuxo funeral foi unha gran manifestación. Sendo procurado pola policía política, Silo refuxiouse na Galiza, xunto de familiares. O mesmo refuxio abrigara xa o seu irmán Mário. Máis tarde, Silo estudou Medicina en Madrid. Pouco despois de iniciarse a Guerra Civil de España en 1936 (en que o lado franquista venceu en dez días na Galiza), é encarcerado - tal como algúns dos seus compañeiros próximos, entre os cales o médico Telmo Bérnardez (1885-1936), de Redondela, que acompañaba en actividades profesionais, e que veu a ser fusilado. Silo estivo prendido nas prisións franquistas até 24 de Febreiro de 1938, día en que foi liberado, mais grazas a comparecer mensualmente perante as autoridades. Non o fixo e ese ano, conseguiu regresar, clandestinamente, a Porto. Pola súa fuga, en 1931, fora considerado desertor e só en 1940 conseguiu regularizar a súa situación militar.Foi traballar para a Casa Graham, onde entrou como caixeiro. Pertencía á masonería: fóra iniciado na tenda Revolta en Coímbra, en 1928; transitou para a tenda Comuna no Porto; continuou a pertencer a esta organización en España (con outros exiliados, fundou en Madrid en 1932 a tenda República Portuguesa, de que era secretario, e que existiu até 1936); e proseguiu despois a súa actividade masónica en Portugal. Faleceu no King's College Hospital, en Londres, dunha enfermidade oncolóxica o 16 de Setembro de 1954

2.3 Lugares:

Lugar de nacimiento: Ramalde (Porto, Portugal)
Lugar de fallecimiento: Londres
Portugal, España

2.5 Funciones, ocupaciones y actividades:

Actividad:

Estudiante de medicina e empregado

3. Área de relaciones

Materias:

Ditadura de Salazar (1933-1970)
Término relacionado:

Guerra civil española (1936-1939)
Término relacionado:

Represión política
Término relacionado:

Pena de prisión
Término relacionado: (1936-1938)

4. Área de control

4.1 Identificador del registro:

ADGA20250045255

4.4 Estado de elaboración:

Finalizado

4.5 Nivel de detalle:

Completo