Evaristo Romero Banet, fillo de Evaristo Romero Gámez e Eva Banet Flores, herdou por parte da súa nai bens dos Banet Lenzano (Ramón, o seu avó; e Socorro e Eusebia, tías avoas). Á súa vez, os Banet Lenzano recibiran bens correspondentes aos seus pais, Alejandro Banet González e Eusebia Lenzano Fuentes, ademais de bens das curmás do seu pai Rosa e Luisa da Guarda González.
Alejandro Banet González (1832- 1918), nacido na Coruña, foi oficial da Deputación provincial da Coruña, chegando a exercer como depositario interino dos fondos provinciais. Alejandro herdou ademais ao seu tío Lázaro González Varela (1807-1888). Alejandro estudara na Escola de Belas Artes.
Rosa e Luisa da Guarda herdaran do seu irmán Eusebio, casado con Modesta Goicouria, encargadas, entre outras cousas, da entrega da biblioteca do seu irmán ao Instituto e herdeiras da casa da rúa Real, nº 75.
Modesta Goicouria Cabrera (La Habana - A Coruña, 15-05-1889) contraera matrimonio na súa terra natal co empresario Juan Menéndez Fuertes, (La Habana- A Coruña 1852), con quen tivo tres fillos: Modesta, Valentín, e Juan. Juan Menéndez, tras facer fortuna na Habana, instalouse na Coruña en 1837, dedicándose a canalizar a corrente migratoria de Galicia cara á illa, ben en barcos propios ou mediante representación doutras navieiras, mantendo distintos negocios coas terras de América e en España. Cando o patriarca faleceu, os seus negocios continuaron funcionando baixo o nome de Viuda de Menéndez, da cal eran apoderados o fillo menor, Juan Menéndez, e Eusebio da Guarda, ampliando este, aqueles negocios ao ámbito bancario e a consignación navieira, entre os que se atopaban a Cía. Transmediterránea e a Cía. Transatlántica Española. Eusebio da Guarda levaba a dirección dos negocios desde o número 75 da rúa Real.
Modesta contraeu segundo matrimonio con Eusebio da Guarda na igrexa de San Jorge o 30 de agosto de 1854 (1824 /19-03-1897), co que non tivo sucesión. Ambos desenvolveron un importante labor filantrópica. Á morte da súa muller, Eusebio investiu unha gran parte da súa fortuna na construción de edificios para a cidade: o mercado, o Instituto de Segundo Ensino e as escolas graduadas Da Guarda, e na capela de San Andrés, entre outras obras.
Historia archivística
Don Huberto Romero Kopp, posuidor deste fondo e residente en Sant Feliu de Guixols, Girona, herdou estes documentos do seu pai Evaristo Romero Banet. O Arquivo Banet-Da Guarda gardábase na casa da rúa Real nº 75. Ao vender o inmoble, moita documentación tirouse ao lixo, Evaristo Romero recolleu estes cartafoles que gardou e que permaneceron en Girona, onde residía, ata a súa entrega a esta cidade.
Alcance e conteúdo
Trátase dunha parte dun arquivo familiar do século XIX e XX, onde priman as copias das escrituras de propiedade e testamentarias, fundamentais para alegar os dereitos de propiedade. O fondo está formado por documentos relativos ás herdanzas familiares dos Banet Lenzano e dos Da Garda González.
Aínda que é meramente testemuñal, ten relevancia para a nosa cidade porque contén notable información ao redor dos benefactores Modesta Goicouria e Eusebio da Guarda. Destaca unha nota dedicada pola escritora Emilia Pardo Bazán eloxiando o labor en materia educativa de Eusebio da Guarda.
Na parte Banet Lenzano, inclúe os títulos dos destinos que ocupou o seu pai, Alejandro Banet, na Deputación coruñesa, ademais de debuxos académicos de cando estudaba Belas Artes na Escola desta cidade. Outros documentos achegan información e testemuño sobre a vida social e política da Coruña desa época, como: a manifestación de Perpetua Suárez para recibir sepultura eclesiástica ou os recibos de subscricións ao comedor e roupeiro da Escola Graduada de Nenas da Guarda, Escolas Populares Gratuítas, Escolas nocturnas para mozas obreiras, Servas de Maria Ministras dos enfermos, Escola gratuíta de nenos pobres e cegos, Cociña económica, entre outros.
Condiciones de acceso
Condiciones de acceso
Descripción condiciones de acceso:
Consulta libre, só limitada polo estado de conservación da documentación.
Condiciones de reproducción
Condiciones de reproducción:
Suxeito ás taxas e prezos públicos que para reprodución de documentos fixase o Concello.
(Ordenanza reguladora do prezo público por prestación de servizos e utilización de instalacións culturais, educativas e análogas de titularidade municipal.)
Lengua:
Spanish; Castilian
Características físicas
Material en el que se registra la información:
Papel
Nota:
As fotografías están instaladas en follas de conservación.
Os debuxos en mylar e en cartafol nun planero. c- 4
Documentación relacionada
Existencia y localización de originales
Localización de originales: Relativos a Alejandro Banet no Arquivo da Deputación Provincial de A Coruña.
Unidades de descripción relacionadas
Unidades de descripción relacionadas: Fondo Concello da Coruña – Educación, Obras e Urbanismo e en Cultura.
Notas
Nota general
Xunta de Galicia. Información mantenida y publicada en internet por la Xunta de Galicia