Rexión Agronómica de Galicia e Asturias

Referencia

• ES.GA.15030.ARG/1.3.1.10.

Título

• Rexión Agronómica de Galicia e Asturias

Fecha de creación

• 1903-01-01 / 1934-12-31. 1903 a 1934

Nivel de descripción

• Fondo

Volumen y soporte de la unidad de descripción

• 2 Caixa(s)

• Xefatura da Rexión Agronómica de Galicia ‌

Historia institucional/Reseña biográfica

• O Servizo Agronómico Nacional foi creado por Real decreto do 14 de febreiro de 1879 como órgano dependente do Ministerio de Fomento e da Dirección Xeral de Agricultura, Industria e Comercio. Levará a cabo os traballos de estatística agrícola e pecuaria, exposicións, pósitos, amillaramentos e proxectos; encargarase de dirixir e inspeccionar os traballos de extinción da filoxera, lagosta e outras pragas do campo, e cantos estivesen a desempeñar daquela os secretarios das Xuntas Provinciais de Agricultura, Industria e Comercio; influirá con voz e voto nas decisións das Xuntas de Agricultura, Industria e Comercio e rexerá as súas secretarías. Pero será o Real decreto do 29 de xullo de 1892 o que lle dea unha estrutura e distribúa o territorio peninsular en 12 distritos agronómicos formados por seccións provinciais e establecementos agrícolas de ensinanza e experimentación. A Real orde do 10 de outubro de 1903 e o Real decreto do 15 de xaneiro de 1904 establecen unha nova organización do Servizo Agronómico: suprímese a organización anterior e a nova adaptarase a unha división por rexións. A unidade agronómica rexional estará formada polo servizo administrativo, as granxas rexionais, os institutos de agricultura e os demais centros de experimentación e ensinanza comprendidos na rexión. A Península queda dividida en 13 rexións, dentro das cales está a Rexión de Galicia e Asturias, con capital na Coruña e que comprende as provincias da Coruña, Lugo, Ourense, Pontevedra e Oviedo. Á fronte de cada unha estará un enxeñeiro co título de xefe da rexión agronómica e dividirase en tantas seccións como provincias de que conste. O Real decreto do 26 de xuño de 1924 aproba a organización dos servizos nacionais agropecuarios recollendo a organización do Servizo Agronómico Rexional e Provincial e divide o territorio nacional en 15 rexións agronómicas, dentro das cales encontramos a Rexión Agronómica de Galicia, formada polas catro provincias galegas e con capital na Coruña. Despois da creación do Ministerio de Agricultura por separación das competencias do Ministerio de Fomento, a Orde do 13 de agosto de 1940 reorganiza o Servizo Agronómico Nacional e non menciona as rexións agronómicas. As funcións propias do Xefe de Rexión son as de inspección e control: elabora unha memoria anual dos traballos realizados na rexión; realiza as visitas de inspección para dar conta das faltas e abusos dos seus subordinados; tramita as ordes para o persoal dependente e cursa as solicitudes e reclamacións; leva un libro rexistro de entrada e saída de documentos oficiais e outro de inventario; proponlle á superioridade a distribución do persoal e ordena as saídas que deban efectuar; elabora un resumo de toda clase de estatísticas de produción e colabora na redacción do Boletín Agrícola Nacional.

Historia archivística

• A documentación ingresa no arquivo o 2 de novembro de 2006, mesturada coa da Xefatura Agronómica da Coruña, mediante unha transferencia efectuada polo Colexio Oficial de Enxeñeiros Agrónomos de Galicia. A acta de entrega é asinada o 27 de novembro de 2006 por Ramón Giménez de Azcárate Cornide e José Antonio Ribas Paz, decano e secretario do Colexio Oficial de Enxeñeiros Agrónomos, e por Gabriel Quiroga Barro, director do Arquivo do Reino de Galicia. O Colexio fixérase cargo dela nunha data indeterminada ao descubrirse abandonada nun local que fora utilizado como almacén pola Administración Periférica do Estado.

Alcance e conteúdo

• A cantidade de documentación que se conserva é escasa e abrangue un período cronolóxico de 1903 ata 1934, aínda que aparecen documentos herdados da época anterior, momento de creación do Servizo Agronómico. Entre as series identificadas están as de Correspondencia, Disposicións xerais, Expedientes informativos, Informes de visitas, etc.

Condiciones de acceso

Normativa:

• Trátase de documentación pública de titularidade estatal

Condiciones de reproducción

Condiciones de reproducción:

• A reprodución da documentación deste fondo está suxeita ás seguintes disposicións: - Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia. - Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.

Lengua:

• Spanish; Castilian

Escritura:

• Mecanografiada
• Humanista

Características físicas

Estado de conservación:

• Bo

Descripción del estado de conservación:

• Trátase de documentación textual sobre papel, en bo estado de conservación

Existencia y localización de copias

• Existencia de copias: Non existen copias
  

Unidades de descripción relacionadas

• Unidades de descripción relacionadas: Fondo da Xefatura Agronómica da Coruña
  

Nota general

• Datas de creacción: 1884-1934 Unha das unidades de instalación está compartida con documentación do fondo da Xefatura Agronómica da Coruña. Conta con instrumentos de traballo complementarios: base de datos de lexislación e estudos de series.