Baeza Buceta, familia

Enlace persistente

Esta documentación forma parte dos fondos deste Arquivo sen que consten datos nin da súa entrada nin da forma de ingreso.

Documentación que abarca de 1577 a 1920, pertencente a catro familias estreitamente ligadas: - Baeza.- Principalmente documentos de Joaquín Baeza, avogado, deputado á Cortes polo Partido Progresista a mediados do século XIX e con intereses comerciais e empresariais. - Buceta.- Documentos pertencentes a José e Joaquín Buceta Solla, especialmente deste último que foi procurador dos Xulgados de Pontevedra. - Saravia.- Documentación de José Antonio Saravia Horcasitas e Fernando Saravia Zuazo, relativa a propiedades e á súa administración, que abarcan desde o século XVI. - García.- Documentos relativos a José Manuel García, notario de Pontevedra, o seu fillo José Benito García Limeses, director de Camiños Veciñais do partido de Pontevedra, e a súa neta Regina García Sancho, propietaria dun establecemento de baños en Cuntis. A finais do seculo XIX prodúcese a fusión definitiva das catro familias polo matrimonio de Fernando Baeza Saravia (xuíz de Vilalba, Valdeorras e Pontecaldelas) con Dolores Buceta García, cuxos descendentes acumularon toda a documentación e a remitiron a este Arquivo.

Acceso libre, agás as restricións contempladas no art. 51.1 c) da Lei 16/1985, do 25 de xuño, do patrimonio histórico español.

Limítase a reprodución dos documentos que se atopen en mal estado de conservación ou non poidan ser obxecto de consulta segundo a normativa de acceso.