Xulgado de Primeira Instancia e Instrución de Ponteareas

Enlace persistente

Mencionados na Constitución de 1812, creados en 1835 polo Regulamento da Administración de Xustiza, son tribunais unipersonais que coñecen en primeira instancia en asuntos civís e criminais e en segunda instancia dos xuízos de faltas; tiñan como sede os concellos que foran cabeza de partido xudicial. Tras varios decretos de ampliación e supresión, a Lei Adicional á Orgánica do Poder Xudicial de 1882 restableceu os Xulgados de 1ª Instancia con funcións tamén de instrución en materia penal. A Lei 42 /1974 de Bases Orgánicas da Xustiza, designa ós Xulgados de 1ª Instancia e Instrución como Xulgados de Partido, con competencias, en materia civil en primeira instancia en todos os procesos civís, e en segunda instancia nos procesos civís tramitados en primeira polos Xulgados de Distrito ( anteriormente Municipais ou Comarcais); e en materia penal correspóndelles a instrución dos procesos por delitos graves e infraccións de maior contía, e a segunda instancia nas apelacións de sentenzas ditadas polos Xulgados de Distrito. Os xuíces desenvolverán tamén actividades en materia gobernativa e inspectora dentro do territorio da súa xurisdición.

Os expedientes ingresaron coa documentación dos xulgados de primeira instancia e instrución de Vigo en outubro de 1988

Acceso restrinxido de acordo co establecido polo artigo 57.1c), da Lei 16 /1985, do 25 de xuño, do Patrimonio Histórico Español.