Correspondencia de Ramón Bustelo González con Odón...

Referencia

• ES.GA.15078.AG/2.3.3.3.24.//GP086/001-56

Notação:

• Caixa(s) GP086 001-56

Título

• Correspondencia de Ramón Bustelo González con Odón Colmenero Saa no ano 1919

Fecha de creación

• 1919

Nivel de descripción

• Unidade de localización

Volumen y soporte de la unidad de descripción

• 1 Carpeta(s)

• Casa de Banca e Comercio Bengoechea ‌

Historia institucional/Reseña biográfica

• A casa de comercio Bengoechea de Ribadeo, dedicada á actividade comercial, navieira e bancaria foi fundada polo vizcaíno Francisco Antonio de Bengoechea, a principios do século XIX, se ben non se conserva ningún documento ata o ano 1820. Tras a morte do fundador, en 1868, e segundo a súa disposición testamentaria, herdará a empresa o que ata ese momento fora o seu administrador José María Martínez Marzo, coa condición de que engada o Bengoechea ao seu apelido. A partir da morte de José María, no ano 1890, a empresa aparecerá nomeada como “Viúva e fillo de José María Martínez Bengoechea”. Despois do falecemento de Juliana González Santamarina (8 de marzo de 1900) e do seu fillo Francisco Martínez-Bengoechea y González (3 de novembro de 1900) divídese a herdanza, cumprindo a vontade testamentaria deste último, entre o seu administrador, Bonifacio Torres de la Calle, e os seus primos Ramón Bustelo González e Godofredo Álvarez-Cascos González. A partir de entonces e ata 1935 a empresa figurará nos documentos como“Sucesores de Francisco Martínez Bengoechea y González” a pesar dos pequenos cambios introducidos nas denominacións oficiais das sucesivas sociedades. Así, en 1903 constitúese a sociedade mercantil regular colectiva denominada “Torres, Bustelo y Álvarez Cascos, como sucesores de Francisco Martínez Bengoechea y González” que se disolverá en 1927, trás o falecemento de Godofredo Álvarez-Cascos para constituir unha nova denominada “Torres, Bustelo y Compañía, como sucesores de Francisco Martínez Bengoechea y González” na que participarán a súa viúva e fillos. O falecemento de Bonifacio Torres, en 1934 determinará a disolución desta sociedade e a constitución por parte de Ramón Bustelo, en xullo de 1935, da empresa denominada Sucesor de Francisco Martínez Bengoechea y González. O fondo abarca un período cronolóxico entre os anos 1820 e 1952 e está formado por documentos que reflicten a xestión empresarial da casa de banca e comercio, a xestión do patrimonio familiar e outras funcións e actividades de carácter persoal desenvolvidas por diferentes membros da familia.

Historia archivística

• O arquivo foi recollido en Ribadeo e trasladado a Santiago de Compostela, á sede do Arquivo de Galicia con datas 8 e 9 de abril de 2010. Na casa da rúa Amando Pérez de Ribadeo o arquivo e a biblioteca ocupaban dúas amplas salas da planta baixa ao final do corredor ou vestíbulo de entrada. Na parte esquerda achábase a sección empresarial; na dereita, a patrimonial. Nesta última, de maior amplitude, situaríanse as oficinas da casa de banca e comercial que rexentaba a familia, a xulgar polo mobiliario e a caixa forte situada nun recanto da sala. Na sala esquerda, os documentos e os libros instalábanse en armarios dotados de portas acristaladas situados ao longo das dúas paredes máis longas. Na sala da dereita, os documentos de arquivo e os libros dispúñanse ao longo dunha das paredes máis longas. A maior parte dos documentos achábase en tres armarios. Cada un deles contaba con dous corpos en altura. Os de enriba descubrían tralas portas dobres de madeira tres columnas de cinco filas de caixóns. Estes rotulábanse con cartelas que daban conta dunha organización xeográfica dos documentos, á maneira en que se facía nos antigos arquivos monacais (Provincia de Lugo, Ayuntamiento de Meira, parroquia de Meira) ou, tamén, cos nomes dos tipos que dan nome ás series documentais (Listas cobratorias, Apeos y Prorrateos, Poderes). Os impresos situábanse nun armario de madeira dividido en tres corpos verticais. No corpo central, arriba, gravada en releve sobre a madeira, figura a seguinte lenda: “Martínez-Bengoechea”. Os documentos e os libros atopáronse, en xeral, en bo estado de conservación. Por outra parte, semella que a integridade do conxunto é boa, especialmente na parte empresarial, aínda que non tanto na patrimonial, dado que no local onde esta se gardaba apareceron moitos estantes e caixóns baleiros.

Alcance e conteúdo

• Comunicacións con diferentes persoas ou entidades intercambio de cartas, telegramas, etc. relacionadas con asuntos referentes tando á función pública como privada de Ramón Bustelo. Cada rexistro corresponde a un corresponsal, segundo a acumulación establecida polo produtor, poden ser cartas da súa vida pública ou profesional e na mesma carpetiña poden aparecer cartas doutras persoas que teñen relación con algún tema tratado.

Clase de documento:

• Textual

Condiciones de acceso

Condiciones de reproducción

Condiciones de reproducción:

• A reprodución de documentos está suxeita á Lei 6/2003, de 9 de decembro, de taxas, prezos e exaccións reguladoras da Comunidade Autónoma de Galicia, e polo Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.

Lengua:

• Spanish; Castilian

• English

• French

Existencia y localización de copias

• Existencia de copias: No existen copias
  

Unidades de descripción relacionadas

Unidades relacionadas en el archivo digital:

• 15030.ARG: Odón Colmenero y Saa. Maxistrado da Audiencia Territorial da Coruña