Foro outorgado por Diego González, abade da igrexa de...

Enlace persistente

En negrita las ramas con unidades físicas

Foro outorgado por Diego González, abade da igrexa de Santiago de Allariz, co poder do deán da igrexa de Ourense, a Gómez Cide, fillo de Xoán de Frieira, morador en Frieira, e a súa muller, Tareixa Gómez, dunha herdade en Frieira, por vinte brancas cada ano

A parroquia é unha organización fundamental na historia da comunidade galega como entidade relixiosa, administrativa e fiscal. Esta división territorial da Igrexa defínese coma o territorio dunha diocese que está baixo a dirección dun párroco. Pero a súa funcionalidade vai máis alá do espiritual, especialmente no eido rural, pois o clero encargado da parroquia actuaba como mediador entre a comunidade parroquial e a administración civil e relixiosa. Os párrocos participaban nos actos máis trascendentais da vida dos individuos (bautismo, matrimonio e morte) e a partir do Concilio de Trento -desde 1563-, estes actos teñen que quedar rexistrados nos libros de actas sacramentais. Así, a parroquia como entidade relixiosa produce unhas das fontes principais para o coñecemento histórico, os libros parroquiais. Estes libros poden ser de varios tipos: sacramentais, onde se rexistran bautismos, confirmacións, matrimonios e defuncións; pastorais, que recollen as visitas pastorais, cartas dos bispos, constitucións sinodiais, etc; administrativos, nos que se anotan contas de fábrica, dezmos, inventarios de bens, dereitos parroquiais, fundacións pías, etc; e, por último, os libros litúrxicos, que recollen misais, rituais, breviarios, cantorais, etc. A parroquia de Santiago de Allariz pertence ao arciprestado de Allariz no concello do mesmo nome.