Sociedade Económica de Amigos do País de Lugo

Enlace persistente

As noticias sobre a existencia da Sociedade Económica de Amigos do País de Lugo son moi difusas. Parece que foi constituída por primeira vez en 1784, sendo a primeira en crearse en Galicia. O seu primeiro director foi o bispo Armañá. En 1813 xa non existía. Volveu instalarse en 1834, baixo a presidencia do gobernador civil, D. Laureano Gutiérrez, e con gran presencia de eclesiásticos. Ignoramos en que momento desapareceu. En 1841 refundouse unha terceira vez a instancias de D. Alejandro García, intendente e xefe político. Parece que desapareceu novamente en 1843. Cara aos anos 1881 e 1882 volvía a existir, sen que se deduza nada máis preciso da propia documentación conservada.

A documentación custodiábase en diversas institucións, mesturada coa documentación que xeneraban, probablemente porque algúns socios da Sociedade ocupaban postos en diferentes unidades administrativas. O que se conserva é unha parte pequena do que debeu de existir. Nas actas de 1834 adóptase o acordo de recuperar a documentación do século XVIII do último director ou secretario todavía vivos, pero, á vista do que chegou ata hoxe, dedúcese que non se acadou.

Non se conserva documentación da primeira época, agás as mencións que constan na memoria da historia da sociedad entre 1784 e 1843. Da última época unicamente queda o regulamento e un expediente para creación dunha biblioteca. Tampouco coñecemos a existencia de documentación sobre os distintos momentos en que desapareceu. En todo caso, todo o conxunto é moi fragmentario.

Decreto 219/2011, de 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.

Localización de originales: No fondo do Concello de Lugo, signatura 127-02, atópase un orixinal do regulamento.

Unidades de descripción relacionadas: Probablemente, nas actas do Concello de Lugo figurarán referencias a acordos relacionados con esta sociedade, tanto relativos a prover un local para ela, como por informes emitidos por ela en relación coa cidade. É igualmente posible que no arquivo diocesano apareza máis documentación polo feito de que varios membros da sociedade procedían da xerarquía eclesiástica.