Declaración do imposto de utilidades de José Lendoiro...

Enlace persistente

En negrita las ramas con unidades físicas

Dentro do novo Imposto de utilidades creado pola Lei do 27 de marzo de 1900, a "tarifa 3ª" dedicábase aos rendementos das sociedades. A reforma deste Imposto de Utilidades pola Lei do 22 de setembro de 1922 aclarou aínda máis que o suxeito deste imposto eran os beneficios obtidos por sociedades e empresas. A estes engadíronse, por Lei de 16 de decembro de 1940, os beneficios de comerciantes e industriais individuais.

A Lei do 26 de decembro de 1957 sustitúe a "tarifa 3ª" do Imposto de Utilidades polo novo Imposto sobre Sociedades, excluíndo os empresarios individuais, que tributarán exclusivamente polo Imposto Industrial. A Lei 41/1964 concíbeo coma un imposto único, de modo que os demais impostos que afectaban ao mesmo obxecto serán considerados a conta deste. Finalmente, a Lei 61/1978 suprime os impostos "a conta", integrándoos no de Sociedades.

Grava os rendementos do capital e do traballo. Tarifa 1ª: Utilidades procedentes do traballo persoal. Tarifa 2ª: Utilidades procedentes do capital (intereses, dividendos...). Tarifa 3ª: Utilidades procedentes do traballo xuntamente co capital no exercicio industrial. Os tres impostos que o substitúen en 1957 correspóndense con esas tarifas e conceptos: Imposto sobre o Rendemento do Traballo persoal (IRPT), Imposto sobre as Rendas e o Capital, Imposto sobre a Renda das Sociedades.

A documentación da Intendencia provincial e logo da Administración económica provincial permaneceu no edificio da antiga Intendencia de Galicia, que segundo unha memoria presentada por Andrés Martínez Salazar, ocupaba a mellor parte do edificio ata que as autoridades militares se fixeron con el, relegando esta documentación ao sotos húmidos, onde a arroxaron toda sen nengún tipo de consideración. Na mesma memoria indica que o delegado, enterado de que a Deputación provincial dispoñía dunha casa libre, solicita o traslado a ese espazo duns 725 legaxos de papeis e libros de propiedades e dereitos do Estado e libros procedentes de varias bilbiotecas de conventos da provincia; aquí conservouse ata o seu traslado ao arquivo. Esta situación de abandono explica o mal estado de parte da documentación conservada O fondo da Delegación Especial ingresou directamente desde o organismo remitente. Unha parte achábase na súa sede, na rúa Comandante Fontanes da Coruña; outra, recibida nas últimas transferencias, estaba depositada nunha nave na Travesía de Orillamar.

Unidades de descripción relacionadas: A serie continúa no 4.13. IRTP, "Declaracións xuradas de soldos"

Este fondo atópase en proceso de organización e descrición, polo que o cadro de clasificación e as súas seccións, subseccións e series, coas súas datas e volume, poden sufrir modificacións. As seccións, subseccións e series coas súas datas e volumes refírense á documentación xa organizada e descrita.

Das 29 unidades de instalación, 3 áchanse descritas ao nivel de fracción de serie e outras 26 ao de unidade documental (e conteñen 3063 expedientes).