O cabido da catedral de Ourense afora a Afonso de Deza,...

Enlace persistente

En negrita las ramas con unidades físicas

O cabido da catedral de Ourense afora a Afonso de Deza, barbeiro, e á súa muller, Marina Afonso un anaco de monte e viña no lugar da Forcadura, de 20 cavaduras de extensión preto da cidade de Ourense, en renda da séptima parte de toda a novidade que dea, e por oito voces.

Segundo a Guía do Arquivo de Antonio Gil Merino, o antigo director Andrés Martínez Salazar doara 363 documentos medievais no ano 1897. Procedían na súa maior parte de mosteiros e conventos desamortizados e foran separados por el dos seus fondos orixinais, segundo o testemuño manuscrito de Ángel del Castillo que se conserva no Arquivo, probablemente coa finalidade de impedir a súa subtracción ou simplemente para a investigación persoal. A este núcleo sumáronse posteriormente novas achegas, esta vez procedentes de preitos e expedientes tramitados perante a Real Audiencia de Galicia, que foron instalados á parte no propio Arquivo, de acordo cunha práctica tradicional, para a súa mellor conservación.

"... e pagaredes... a séptima parte de todas las cousas que Deus enna dita herdade der e todo azeite se o ay ouber..."